'''Քարածխի խեժ''', [[Ֆենոլ|ֆենոլ]]ի հոտով, սև, մածուցիկ հեղուկ, ստացվում է [[Քարածուխ|քարածխ]]ի կոքսացման ժամանակ։ Օրգանական նյութերի խառնուրդ է, խտությունը՝ 1175–1205 կգ/մ<sup>3</sup>։ Պարունակում է մոտ 500 նյութ (նավթալին և նրա հոմոլոգները, անտրացեն, ֆենանտրեն ևն)։ Քարածխի խեժի ֆրակցիոն [[Թորում|թորմամբ]] անջատում են նավթալինային, կլանիչ, անտրացենային ֆրակցիաները և քարածխային ձյութ։ Քարածխի խեժից ստանում են [[Բենզոլ|բենզոլ]], [[Տոլուոլ|տոլուոլ]], [[Ֆենոլներ|ֆենոլներ]], [[Նավթալին|նավթալին]], անտրացեն, հետերոցիկլային միացություններ ևն։ 1 տոննա քարածխի կոքսացումից ստացվում է 30–40 կգ քարածխի խեժ։ Տարեկան արտադրությունը՝ 15–16 մլն տոննա ([[1980 թվական|1980]])։
