'''Ցզյանսու''', [[Նահանգ|նահանգ]] [[Չինաստանի Ժողովրդական Հանրապետություն|Արևելյան Չինաստան]]ում, [[Յանցզի գետ]]ի ստորին հոսանքի շրջանում, ողողվում է Արևելա–Չինական և [[Դեղին ծով|Դեղին ծովեր]]իերի ջրերով։ Տարածությունը 100 հազար կմ<sup>2</sup> է, բնակչություն՝ 60,5 մլն ([[1982 թվական|1982]])։ Երկրի ամենախիտ բնակեցված նահանգն է։ Վարչական կենտրոնը՝ Նանկին։ Գտնվում է Չինական մեծ հարթավայրի [[Հարավ|հարավ]]–[[Արևելք|արևելյան]] մասում։ [[Մերձարևադարձային կլիմա|Կլիման մերձարևադարձային]] է, [[Մուսսոն|մուսսոնայինմուսսոն]]։ային։ Տարեկան տեղումները հյուսիսում 600-900 մմ են, հարավում՝ մինչև 1200 մմ։ Ցզյանսու ՉԺՀ ինդուստրիալ–ագրարային զարգացած տնտեսական շրջաններից է, տալիս է երկրի արդյունաբերական համախառն արտադրանքի 6%–ը։ Արդյունահանվում է [[Ածուխ|ածուխ]], [[Երկաթի հանքանյութ|երկաթի հանքանյութ]], ապատիտ, [[Կաոլին|կաոլին]], [[Աղ|աղ]]։ Զարգացած է տնայնագործությունը և գեղարվեստական արհեստագործությունը ([[Ճենապակի|ճենապակե]] և [[Հնդկեղեգ|հնդկեղեգ]]ե իրեր)։ Մշակվում է տարածքի մոտ 60%–ը։ Գետերի ռեժիմը կարգավորելու և ոռոգման նպատակով ստեղծված է հիդրոտեխնիկական համալիր, այդ թվում՝ ոռոգիչ համակարգ։ Մշակում են [[Բրինձ|բրինձ]], ընդավորներ, [[Ցորեն|ցորեն]], [[Գարի|գարի]], [[Եգիպտացորեն|եգիպտացորեն]], բանջարաբոստանային կուլտուրաներ։ Երկրի բամբակագործական և շերամապահական գլխավոր շրջաններից է։
