«Ջրային դաշտամուկ»–ի խմբագրումների տարբերություն

'''Ջրային դաշտամուկ''' ({{lang-lat|Arvicola terrestris}}) , ջրառնետ, համստերանմանների ընտանիքի դաշտամկների ենթաընտանիքի կրծող [[կաթնասուն]] [[կենդանի]]։ [[Հայաստանի Հանրապետություն]]ում հանդիպում է բոլոր բնակլիմայական գոտիներում (700-3200 մ բարձրություններում)։ Բնակվում է [[գետեր]]ի, [[լճեր]]ի և այլ ջրային տարածքների առափնյա մասերում, երբեմն՝ խոնավ մարգագետիններում՝ ջրից մինչև 2 [[մետր]] հեռավորության վրա։ Մարմնի [[երկարություն]]ը մինչև 25 սմ է, պոչինը՝ 15 սմ։ Մեջքի մորթին ու պոչը միագույն են՝ մուգ դարչնագույնից սև, փորինը՝ մոխրագույն։ Մորթին խիտ է, որակյալ, լավ տարբերակված (աղվամազ և ստև)։ Պոչի մազերը կարճ են, կոշտ ու նոսր։ Օժտված է փորող և երկկենցաղ կենսակերպ վարող կենդանիներին բնորոշ առանձնահատկություններով (ջրում լավ լողում է, սուզվում, կեր փնտրում, ցամաքում արագաշարժ է)։ Սնվում է [[բույսեր]]ով, ջրային մանր կենդանիներով, [[Ձմեռ|ձմռան]]ը՝ բույսերի ստորգետնյա մասերով, ծառերի կեղևով և շիվերով։ Բնակվում է հողափոր, մինչև 1 մետր խորությամբ բներում, կազմում առափնյա գծային, բաց տարածքներում՝ օջախային գաղութներ։ Բազմանում է տարին 2-3 անգամ, ունենում մինչև 14 ձագ։ Վնաս է հասցնում [[գյուղատնտեսություն|գյուղատնտեսությանը]], մշակաբույսերին և անտառտնտեսություններին։ [[Տուլարեմիա]]յի և [[լեպտոսպիրոզ]]ների հարուցիչների հիմնական կրողներից է։▼