«Բորիս Պետրովսկի»–ի խմբագրումների տարբերություն

'''Պետրովսկի Բորիս Վասիլևիչ''' (ծնվել է՝ [[1908]] թվական), եղել է՝ սովետական վիրաբույժ, առողջապահության կազմակերպիչ և պետական գործիչ, ՍՍՀՄ ԳԱ (1966) և [[ՍՍՀՄ]] ԲԳԱ ([[1957]]) ակադեմիկոս, սոցիալիստական աշխատանքի հերոս (1968)։ ՍՄԿԿ նդամ [[1942]] թվականից։ Ավարտել է [[Մոսկվա]]յի I բժշկական ինստիտուտը ([[1930]])։ Մասնակցել է Հայրենական մեծ պատերազմին ([[1941]]—[[1945]])։ Եղել է [[Մոսկվա]]յի I բժշկական ինստիտուտի ընդհանուր վիրաբուժության, [[Բուդապեշտ]]ի համալսարանի հոսպիտալային վիրաբուժության ամբիոնների պրոֆեսոր, 1956 թվականից՝ [[Մոսկվա]]յի II բժշկական ինստիտուտի հոսպիտալային վիրաբուժության ամբիոնի վարիչ, միաժամանակ ([[1963]] թվականից) կլինիկական և փորձառական վիրաբուժության համամիութենական ԳՀԻ-ի դիրեկտոր, [[1965]]—[[1980]] թվականին՝ ՍՍՀՄ առողջապահության մինիստր։ Աշխատանքները հիմնականում վերաբերում են կերակրափողի քաղցկեղի, սրտի բնածին և ձեռքբերովի արատների վիրաբուժական մեթոդներով բուժման հարցերին։ [[ՍՍՀՄ]]-ում առաջինն է հաջողությամբ կիրառել սրտի փականների պրոթեզները, մշակել և գործնականում ներդրել երիկամների փոխպաավաստման մեթոդը, բրոնխների և շնչափողի պլաստիկան։ Պետրովսկիի վիրաբույժների համամիութենական ընկերության նախագահն էր ([[1963]] թվականից), [[սիրտ]]-անոթային վիրաբուժության եվրոպական ընկերության փոպրեզիդենտը (1959 թվականից), արտասահմանյան մի շարք երկրների ակադեմիաների և գիտական ընկերությունների պատվավոր անդամ։ Բժշկության մեծ հանրագիտարանի III հրատարակության գլխավոր խմբագիրն է։ ՍՄԿԿ ԿԿ անդամության թեկնածու, [[ՍՍՀՄ]] VI —VIII գումարումների Գերագույն սովետի դեպուտատ։