«Թեոդիկ»–ի խմբագրումների տարբերություն

 

== Կենսագրություն ==

Ծնվել է [[Պոլիս|Պոլսում]]։ Գրական ասպարեզ է մտել [[1900]]-ականների սկզբներին՝ «Մանզոմեի էֆքյար» թերթում տպագրելով փոքրիկ պատմվածքներ «Կյանքի հատորեն փրցված» վերնագրով, որոնք հետագայում, , [[1910]] թվականին լույս է ընծայել «Կաղանդ» ժողովածուում։ Այդ տարիներին գրել է բարբառագիտական մի ուշագրավ աշխատություն՝ «Պոլսո հայեվարը», որը արժանացել է [[Իզմիրյան մրցանակ]]ի։ 1912 թվականին հայ գրերի գյուտի 1500-ամյակի և հայ տպագրության 400-ամյակի հոբելյանի օրերին, Կ. Պոլսում հրատարակել է «Տիպ ու տառ»<ref>[http://www.digilib.am/digilib/?menu=1&wrk=1024&media=14&mediaPg=0&mediaZoo=400&wrpg=0&aupg=0 Թէոդիկ, Տիպ ու տառ, Կ. Պոլիս, 1912։]</ref> շքեղ հատորը, որտեղ ժամանակագրական կարգով խոսում է աշխարհի բոլոր երկրներում հիմնադրված հայկական տպարանների մասին, տրվում նրանց հիմնադիրների կենսագրությունները, լուսանկարները, տպագրված գրքերի ցուցակը։ 2012 թ. «Տիպ և տառ»-ը հրատարակվեց նաեւ թուրքերեն թարգմանությամբ։<ref>[http://www.gazeteciler.com/gundem/ermeni-matbaaciliginin-en-onemli-kitabi-turkcede-60535h.html Ermeni matbaacılığının en önemli kitabı Türkçede.]</ref><ref>[http://civilnet.am/2012/12/27/%D5%A9%D5%B8%D6%82%D6%80%D6%84%D5%AB%D5%A1%D5%B5%D5%B8%D6%82%D5%B4-%D5%AC%D5%B8%D6%82%D5%B5%D5%BD-%D5%A7-%D5%BF%D5%A5%D5%BD%D5%A5%D5%AC-%D5%B0%D5%A1%D5%B5-%D5%A3%D6%80%D5%A1%D5%BF%D5%BA%D5%B8%D6%82/#.VHeaZGSUfA4 Թուրքիայում լույս է տեսել հայ գրատպությանը նվիրված աշխատություն։]</ref>

 

Ավելի մեծ ժողովրդականություն է ձեռք բերել «Ամենուն տարեցույցը» հայտնի տարեգիրք ժողովածուներով, որի Ա տարին լույս է ընծայել 1907-ին, համիդյան բռնապետության խստագույն տարիներին։ Հաջորդ տարվանից [[Թուրքիա]]յում հռչակված օսմանյան սահմանադրությունը հնարավորություն է տվել առավել բազմակողմանի դարձնել տարեցույցները, ապահովելով ժամանակի գրեթե բոլոր ականավոր գրողների և հայ գործիչների աշխատակցությունը։ Բազմաթիվ նկարներով, գրական, բանասիրական, վիճակագրական և այլ կարգի նյութերով խնամքով լույս տեսած այդ հատորները՝ հատկապես 1909, 1910, 1911, 1912, 1913, 1914 և 1915 թվականների տարեգրքերը համարվում են հայ կյանքը և մշակույթը ներկայացնող փոքրիկ հանրագիտարաններ։