«Ռոբերտ Շտեռլ»–ի խմբագրումների տարբերություն
Նոր էջ «{{Տեղեկաքարտ նկարիչ | Անունը հայերեն = Ռոբերտ Շթերլ | Ի ծնե տրված անունը = Robert Sterl | Բնօրինակ անուն ազ...»: |
(Տարբերություն չկա)
|
23:26, 7 հունվարի 2015-ի տարբերակ
Ռոբերտ Հերման Շթերլ (գերմ.՝ Robert Sterl, 23 հունիսի, 1867 (Գրոդոբրից, այսօր՝ Դրեզդեն-Դոբրից)-10 հունվարի, 1932 (Նաունդորֆ))՝ գերմանացի գեղանկարիչ և գրաֆիկ:
Ռոբերտ Շտեռլ գերմ.՝ Robert Sterl | |
---|---|
Ծնվել է | հունիսի 23, 1867[1][2][3][…] |
Ծննդավայր | Դրեզդեն, Սաքսոնիայի թագավորություն |
Վախճանվել է | հունվարի 10, 1932[1][3][4][…] (64 տարեկան) |
Մահվան վայր | Շտրուպեն |
Ազգություն | գերմանացի |
Քաղաքացիություն | Գերմանիա և Սաքսոնիայի թագավորություն |
Կրթություն | Դրեզդենի կերպարվեստի ակադեմիա |
Մասնագիտություն | նկարիչ, համալսարանի դասախոս, վիզուալ արտիստ, գծանկարիչ, նկարազարդող, genre painter և բնանկարիչ |
Ժանր | դիմապատկեր |
Թեմաներ | Կերպարվեստ[5] |
Robert Sterl Վիքիպահեստում |
Կենսագրություն
Ռոբերտ Հերման Շթերլը ծնվել է 1867 թվականին՝ քարտաշ Ֆրիդրիխ Վիլհելմ Շթերլի ընտանիքում: 1873-1881 թվականներին տարրական դպրոց է հաճախել Դրեզդենում: Ուսումը շարունակել է Դրեզդենի գեղարվեստի թագավորական ակադեմիայում: Նա աշակերտել է նկարիչներ Լեոն Փոլեին, Յուլիուս Շոլցին, Վիլհելմ Վալթերին, իսկ 1886 թվականից մագիստրանտ էր բելգիացի գեղանկարիչ Ֆերդինանդ Պաուվելսի մոտ:
1887-1904 թվականներին Շթերլը աշխատում էր որպես բնանկարիչ, դիմանկարիչ և նկարազարդող, Դրեզդենում մասնավոր նկարչական դպրոց ուներ կանանց համար: 1894 նա «Գեղանկարիչների միության» հիմնադիրներից մեկն էր: 1897 ամուսնացել է Հելենե Հեդելթի հետ (1873–1950): Նրանք զավակներ չունեին: 1904 թվականին Շթերլը դասավանդել է Դրեզդենի գեղարվեստի թագավորական ակադեմիայում՝ որպես ուսուցիչ, 1906 թվականից՝ որպես պրոֆեսոր: Այստեղ նա աշխատել է մինչև 1931 թվականը: Այս ժամանակ նա դարձել է արվեստագետների «Die Zunft» միության հիմնադիրներից մեկը: 1909 թվականին դարձել է արվեստագետների «Berliner Secession» պատվավոր անդամ: 1913-1930 թվականներին եղել է Դրեզդենի պատկերասրահի հանձնաժողովի անդամ, 1920 թվականից նաև՝ պատկերասրահի խորհրդի և արվեստագետների միության ժյուրիի անդամ: 1915 թվականին Շթերլը վարպետության դասեր էր տալիս Դրեզդենի արվեստի ակադեմիայում՝ մահացած Գոթհարդ Կոյլի փոխարեն: Առաջին համաշխարհային պատերազմին նա մասնակցել է որպես պատմանկարիչ: Նա օժանդակում էր նաև Դրեզդենի արվեստի ակադեմիայի ուսանողական խորհրդին. ցուցադրությունների և վաճառքների ժամանակ նա հետաքրքրվում էր ժամանակակից և երիտասարդ նկարիչների գործերով:
1919 թվականին Ռոբերտ Շթերլը գնեց 1912/13 թվականին կառուցված բնակարան Նաունդորֆում՝ Սաքսոնական Շվեյցարիայում, կառուցել տվեց մի մեծ արհեստանոց և կնոջ հետ Դրեզդենից տեղափոխվեց այստեղ:
Ռոբերտ Շթերլը մահացել է Նաունդորֆի իր տանը՝ 1932 թվականի հունվարին՝ երկարատև հիվանդությունից հետո: 1937 նրա գերեզմանաքարն է կերտել Օտտո Ռոմեչը: Շթերլն իր ունեցվածքը կտակել որպես նվիրատվություն՝ Դրեզդենի ակադեմիայի երիտասարդ արվեստագետներին և նկարիչներին: Նրա անվան ֆոնդը իր նաունդորֆյան բնակարանը դարձրել է տուն-թանգարան, որտեղ մինչ օրս հանգամանալից կերպով ներկայացվում է նրա կյանքն ու ստեղծագործությունը:
Երկեր
Ռոբերտ Շթերլը Մաքս Լիբերմանի, Մաքս Սլևոգթի և Լովիս Քորինթի հետ մեկտեղ հանդիսանում է գերմանական իմպրեսիոնիզմի նշանավոր ներկայացուցիչներից մեկը: Ուսումը Դրեզդենի գեղարվեստի ակադեմիայում 1890 թվականին որպես մագիստրանտ ավարտելուց հետո նա մինչև կյանքի վերջ կապված մնաց իր քաղաքին: Այսպես, դարավերջին նկարիչներ Կարլ Բանցերի և Վիլհելմ Կլաուդիուսի հետ ընկերանալով, նա ներգրավվեց Գոփելնի արվեստագետների միության շարքերը: Գրեթե 30 տարի՝ մինչ իր մահը որպես պրոֆեսոր նա մեծ ազդեցություն է ունեցել սաքսոնական արվեստի զարգացման վրա:
Ռոբերտ Շթերլը իր ողջ կյանքի ընթացքում եղել է պահանջված նկարիչ, չնայած այն փաստին, որ նրա գործերից շատերը այնքան էլ հավակնոտ չեն թվում:
Իր մի շարք կտավներում ակնհայտ կերպով արտացոլված է իր՝ քարտաշի ընտանիքից սերելու փաստը: Իր կտավներում նա հաճախ պատկերում է աշխատանքային և տեխնոլոգիական առաջընթացը: Շթերլը ուսումնասիրել է այս թեման ավելի քան 30 տարի՝ 1893-1920 թվականներին: 1920 նրա՝ քարտաշներ պատկերող կտավներից մեկը ռուսական մոտիվներ պարունակող «Հուղարկավորություն՝ երկու քահանայով» կտավի հետ միասին հեռացվել է Դրեզդենի Նոր վարպետներ պատկերասրահից:
Պարգևներ
- Դրեզդենի գեղարվեստի ակադեմիայի ոսկե մեդալ՝ Bene Merentibus (1900)
- Մալմոյի միջազգային ցուցադրության ոսկե մեդալ (1914)
- Լայպցիգի համալսարանի պատվավոր պրոֆեսոր (1927)
- Նրա անունով է կոչվել փողոց Դրեզդենում[6]
- Նրա անունով է կոչվել փողոց Նաունդորֆում: Նրա նախկին արվեստանոցի համարն թր 30: Այստեղ է գտնվում նաև նրա գերեզմանը:
Ստեղծագործություններ
- Akademiemodell – Afrikaner im Halbakt (1887), Ռոբերտ Շթերլի տուն՝ Նաունդորֆում
- Arbeiter in der Tongrube (1901), Դրեզդենի քաղաքային պատկերասրահ
- Elbebaggerer (1905), Դրեզդենի ազգային պատկերասրահ, Նոր վարպետներ պատկերասրահ
- Bildnis der Königinwitwe Carola (1905), Դրեզդենի քաղաքային պատկերասրահ
- Steineklopferin (1907), Ռոբերտ Շթերլի տուն՝ Նաունդորֆում
- Ernst von Schuch dirigiert das Orchester (1908), Ռոբերտ Շթերլի տուն՝ Նաունդորֆում
- Arthur Nikisch dirigiert (1910), Գեորգ Շեֆերի թանգարան, Շվայնֆուրտ
- Marktplatz in Nischni Nowgorod (1910), Ռոբերտ Շթերլի տուն՝ Նաունդորֆում
- Steinbrecher (1911), Լայպցիքի գեղարվեստի թանգարան
- Steinbrecher (1911), Ֆոլկվանգ թանգարան, Էսսեն
- Ernst von Schuch dirigiert den Rosenkavalier (1912), Բեռլինի ազգային թանգարան, Բեռլինի ազգային պատկերասրահ
- Schiffszieher an der Wolga (1912), Դրեզդենի Նոր վարպետներ պատկերասրահ
- Steinauflader am Kippkarren (1913), Ռոբերտ Շթերլի տուն՝ Նաունդորֆում
- Bildnis Dr. Otto Posse (1917), Ռոբերտ Շթերլի տուն՝ Նաունդորֆում
- Bildnis Heinrich Ernemann (1919), գողացված
- Kalmückenboot auf der Wolga (1920), Դրեզդենի Նոր վարպետներ պատկերասրահ
- Selbstbildnis (1920), Ռոբերտ Շթերլի տուն՝ Նաունդորֆում
Ռոբերտ Շթերլի անվան պարգև
Դրեզդենի բարեգործական ընկերությունը շրջանի և Դրեզդենի գեղարվեստի դպրոցը 1997 թվականից ամեն տարի հանձնում է Ռոբերտ Շթերլի անվան պարգև: Ժյուրին, որը բաղկացած է դպրոցի երեք պրոֆեսորներից և հիմնադրանի երկու ներկայացուցիչներից, ընտրում է դպրոցի լավագույն աշակերտին, ով ստենում է 3000 եվրո կրթաթոշակ: Պարգևատրության արարողությունն անց է կացվում նրա տանը՝ Նաունդորֆում և ուղեկցվումէ նկարների ցուցադրությամբ[7]:
Գրականություն
- Karl Brix: „…mitten aus dem Leben…“ Zum 100. Geburtstag von Robert Sterl. In: Sächsische Heimatblätter. Heft 5/1967, S. 193–198.
- Robert Sterl und die Kinder, Gemälde, Graphiken und Zeichnungen im Robert-Sterl-Haus, Text: Horst Zimmermann, Hrsg. Sammelstiftungen des Bezirkes Dresden, 1998.
- Robert-Sterl-Haus, Naundorf/Struppen, Sächsische Museen, Band 14, Sächsische Landesstelle für Museumswesen, Hrsg. Joachim Voigtmann, Berlin 2004, ISBN 3-422-03103-0.
- Die Dresdner Gesellschaft in Porträtzeichnungen von Robert Sterl, Begleitheft zur Sonderausstellung, Text: Kristina Popova, Hrsg. Robert-Sterl-Haus, Naundorf, Sammelstiftungen des Bezirkes Dresden, 2007.
- Robert Sterl. Werkverzeichnis der Gemälde und Ölskizzen, bearb. v. Kristina Popova, hrsg. v. Birgit Dalbajewa und Gisbert Porstmann, Sandstein Verlag, Dresden 2011, ISBN 978-3-942422-63-5.
- Horst Zimmermann: Der Maler Robert Sterl. Leben und Werk in Briefen und Selbstzeugnissen, Sandstein Verlag, Dresden 2011, ISBN 978-3-942422-62-8.
Արտաքին հղումներ
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ռոբերտ Շտեռլ կատեգորիայում։ |
- Robert-Sterl-Haus (ehemaliges Wohnhaus in Naundorf, heute Museum)
- Robert Sterl in Dresden (Stadtwiki Dresden)
- Werke in den Staatlichen Kunstsammlungen Dresden, Galerie Neue Meister
- Abbildungen von Werken in der Deutschen Fotothek, SLUB-Dresden
Ծանոթագրություններ
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Robert Hermann Sterl (նիդերլ.)
- ↑ 3,0 3,1 Benezit Dictionary of Artists — OUP, 2006. — ISBN 978-0-19-977378-7
- ↑ RKDartists (նիդերլ.)
- ↑ Չեխիայի ազգային գրադարանի կատալոգ
- ↑ Straßen und Plätze in Leubnitz-Neuostra
- ↑ hfbk-dresden.de: Robert-Sterl-Preis