'''Շամխոր''' գետ, ներկայումս՝ [[Ադրբեջան|Ադրբեջանի Հանրապետության]] [[Շամխորի շրջան]]ում, պատմական [[Մեծ Հայք]]ի [[Ուտիք]] նահանգի [[Գարդման (գավառ)|Գարդման]] ([[Գարդմանք]]) և [[Շակաշեն]] գավառներում։ Հանդիսանում է [[Կուր]]ի աջ վտակը։ Ունի 95 կմ [[երկարություն]], ավազանի տարածքը 1170 քառ. կմ է։ Սկիզբ է առնում [[Սևանի լեռնաշղթա]]յից։ Ստորին հոսանքում բաժանվում է բազուկների։ Սնումը խառն է՝ ստորերկրյա ջրերի գերակշռությամբ։ Միջին ծախսը գետաբերանից 49 կմ հեռու 8,85 մ³/վրկ է։ Շամխորի վրա կառուցված է [[ջրամբար]]։ [[Ջուր]]ն հիմնականում օգտագործվում է ոռոգման համար։ Գետի ողջ երկայնքով՝ աջ ու ձախ ափերին են գտնվում բազմաթիվ պատմաճարտարապետական հուշարձաններ, ինչպիսիք են [[Չարեք վանք]]ը, [[Չարեք բերդ]]ը և այլն։
