«Հաթթը Հումայուն»–ի խմբագրումների տարբերություն

'''Հաթթը Հումայուն''' (hatt-i hiimayun — կայսերական գիր), 1856 թ.-ի փետրվարի 18-ին [[սուլթան]] [[Աբդուլ Մեջիդ]]ի ստորագրած հրովարտակը [[Օսմանյան Կայսրություն|Օսմանյան կայսրության]] ոչ-մահմեդական մուսուլման ժողովուրդների վիճակը բարելավելու վերաբերյալ։ Հրապարակվել է 1853—1856 թթ.-ի [[Ղրիմ]]ի պատերազմից հետո, [[Անգլիա]]յի և [[Ֆրանսիա]]յի ճնշմամբ, որոնք ուզում էին կանխել [[Փարիզ]]ի հաշտության բանակցությունների ընթացքում [[Ռուսաստան]]ի հնարավոր միջամտությունը՝ [[Թուրքիա]]յում ապրող [[քրիստոնյա]]ների իրավունքների պաշտպանության առիթով։

Հաթթը Հումայուն կրկնում էր [[Հաթթը շերիֆ]]ը՝ միայն ավելի ընդարձակ և մանրամասնված։ Հաթթը Հումայուն առանձին փոփոխություններ չմտցրեց [[Թուրքիա]]յի բռնակալական վարչակարգի էության մեջ, պահպանվում էր ոչ-մահմեդական մուսուլման բնակչության իրավազրկությունը։ Ազգային փոքրամասնություններին շնորհած հրամանագրերից առանձին սահմանափակումներով և խոչընդոտներով իրականացվեցին միայն կրոնական համայնքներին վերաբերող կանոնադրությունները, քրիստոնեաբնակ առանձին նահանգներին տրված ներքին ինքնավարության արտոնությունները ([[Կրետե կղզի]], «[[Լիբանան լեռ]]», [[Սամոս կղզի]], [[Աֆոնի լեռ]])։