«Իրանական լեռնաշխարհ»–ի խմբագրումների տարբերություն

Իրանական լեռնաշխարհը արևմուտքից արևելք ձգվում է մոտ 2500 կմ., իսկ հյուսիսից հարավ՝ 1500 կմ. երկարությամբ։ Լեռնաշխարհի ⅔-ը ընկած է [[Իրան]]ի, իսկ մնացած մասը [[Աֆղանստան]]ի, [[Պակիստան]]ի և [[Թուրքմենստան]]ի տարածքներում։

Լեռնաշխարհի ծայրամասային լեռների հյուսիսային և հարավային աղեղները լայն են բացված։ Լեռներից իր բարձրությամբ առանձնապես (մինչև 7690 մ.) աչքի է ընկնում [[Հինդուկուշ|Հինդուկուշ լեռնաշղթան]]։ Լեռնաշխարհի հարավ-արևմտյան մասով ձգվում է ընդարձակ [[Զագրոս|Զագրոսի լեռնաշղթան]] (մինչև 4548 մ.)։

Կլիման շատ չորային է։ Տարեկան տեղումների քանակը 50 - 150 մմ. է։ Քարքարոտ անապատներում աճում են [[էֆեմերներ]], [[օշինդր]], աղուտաբույսեր։ Ավազուտներում հանդիպում է [[սաքսաուլ]]։ Լեռների վերին մասերը զբաղեցնում են լեռնային տափաստանները։ Բացառություն են կազմում [[Կասպից ծով]]ի կողմում գտնվող [[Էլբուրս|Էլբուրսի լեռնաշղթայի]] հյուսիսային լանջերը, որտեղ արևմտյան և հյուսիս-արևմտյան քամիների շնորհիվ մեծ քանակությամբ տեղումներ են լինում (2000 մմ.)։ Այդ պատճառով այստեղ աճում են խոնավ լայնատերև անտառներ։