<center><math>F = G \cdot {m_1 \cdot m_2\over R^2}</math></center>
Այստեղ <math>G</math>-ն [[գրավիտացիոն հաստատուն]]ն է, հավասար է 6,67384(80)·10<sup>−11</sup> մ<sup>3</sup> · վ<sup>−2</sup> · կգ<sup>−1</sup> (կամ Ն· մ<sup>2</sup> · /կգ<sup>−2</sup>)։ F ուժն ուղղված է մարմինները միացնող ուղիղով։ Քանի որ նյութական մասնիկների չափերն անհամեմատ փոքր են դրանց միջև եղած հեռավորությունից, ապա այդ մասնիկները համարվում են [[Նյութական կետ|նյութական կետեր]]։ Ծավալավոր մարմինների փոխձգողությունը որոշվում է այդ մարմինների առանձին մասնիկների փոխձգողության ուժերի վեկտորական գումարով։ Մասնավորապես, գնդաձև մարմինների համար վերոհիշյալ բանաձևը խիստ ճշգրիտ է, եթե համարենք, որ այդ մարմինների զանգվածը կենտրոնացված է [[Գունդ|գնդի]] կենտրոնում։
