«Թորոս Ա»–ի խմբագրումների տարբերություն

'''Թորոս Ա''' (ծն.թ.անհայտ–1129), [[Կիլիկիա]]յի Հայոց իշխան 1100–ից։ Հաջորդել է հորը՝ [[Կոստանդին Ա]]–ին։ Գահակալման սկզբնական տարիներին հաղթել և երկրից վտարել է բյուզանդական զորքերին, միավորել է Դաշտային Կիլիկիան։ Հայ իշխան [[Գող Վասիլ]]ի զինակցությամբ [[Բերդուս (Հալեպի նահանգ)|Բերդուսի]] մոտ ջախջախել է Իկոնիայի սուլթանության նախահարձակ զորքերին և երկիրը մաքրել սելջուկ–թուրքերից։ Պետության արևելյան սահմաններն ամրապնդելու նպատակով իր դուստր Արտային կնության է տվել Եդեսիայի դուքս Բալդուին II–ին և դաշնակցել նրան՝ ընդդեմ մահմեդական ամիրայությունների։ Մաթեոս Ուռհայեցին վկայում է, որ Թորոս Ա վրեժխնդիր է եղել [[Գագիկ Բ]] Բագրատունի աքսորյալ թագավորին նենգորեն սպանած հույն իշխան Մանդալեի որդիներից, բռնագրավել նրանց կալվածներն Կնդռոսկավիս բերդը։ Թորոսը այնուհետև հարաբերությունները բարելավել է [[Բյուզանդիա]]յի կայսեր՝ Ալեքսիոսի հետ և արժանացել «Առաջին Սեբաստոս» տիտղոսին։ Սսի մոտ հիմնել է Դրազարկի հռչակավոր վանքը, որտեղ թաղվել է և որը այնուհետև դարձել է արքունի դամբարան։

 

 

[[Կատեգորիա:Ռուբինյաններ]]