'''Զուգատերև''' {{lang-lat|Zygophyllum}}, [[զուգատերևազգիներ]]ի ընտանիքի բազմամյա [[թուփ|թփերի]], կիսաթփերի, հազվադեպ՝ [[ծառ]]երի և խոտաբույսերի [[ցեղ]]։ Հայտնի է մոտ 250 (այլ տվյալներով՝ 100), [[ՀՀ]]-ում՝ 2 տեսակ՝ զուգատերև սովորական (Z. fabago) և զուգատերև թալատերև (Z. atriplicoides)։ Տարածված է [[Արմավիր]]ի, [[Արագածոտն]]ի, [[Գեղարքունիք]]ի, [[Սյունիք]]ի [[մարզ]]երում, [[Երևան]]ի շրջակայքում։ Աճում է քաքարոտ, [[ժայռ]]ոտ, հաճախ՝ գրեթե անմատչելի վայրերում, աղահողերում և կավահողերում։
== Կառուցվածքը ==
Ցողունը ճյուղավորվող է, բարձրությունը՝ 40–200 սմ։ [[Տերև]]ները մսալի են, երկարավուն-ձվաձև, տերևակոթունի վրա զույգերով կամ դեպի հիմքը աստիճանաբար Նեղանալով՝ վերածվում են կոթունի։ [[Ծաղիկ]]ները մեկական են, պսակաթերթիկները՝ սպիտակավուն, հիմքում՝ նարնջագույն, դեղին:դեղին։ Ծաղկում է մայիս-հուլիսին։ [[Պտուղ]]ը երկարավուն, կլոր, թևավոր կամ անթև տուփիկ է։ Դեղաբույս է. պարունակում է սապոնիններ, աղաղանյութեր։ Տերևների պատրաստուկն օգտագործում են որպես վերքերն ապաքինող, անոթալայնիչ, հակաճիճվային միջոց։
