'''Սոդալիտ''', ալյումասիլիկատների խմբի միներալ։ Քիմիական բանաձևը Na<sub>8</sub>(AlSi0<sub>4</sub>)<sub>6</sub>Cl<sub>2</sub>։ Բյուրեղագիտական համակարգը խորանարդային է։ Առաջացնում է հատիկային ագրեգատներ։ Անգույն է, ունի տարբեր երանգներ, հաճախ՝ կապույտ։ Կարծրությունը՝ [[5]],[[5]]-[[6]], խտությունը՝ 2300-2500 կգ/մ³։ Հանդիպում է [[Կոլա]]յիԿոլայի թերակղզում, [[Ուրալ]]ում, [[Ուկրաինա]]յում։ Սոդալիտի խումբ, միներալներ [[սիլիկատ]]ների կարգից, սnդալիտ՝ Na<sub>8</sub>(AlSi0<sub>4</sub>)<sub>6</sub>Cl<sub>2</sub>, նոզեան՝ Na<sub>8</sub>(AlSi0<sub>4</sub>)<sub>6</sub>S0<sub>4</sub>, հայուին՝ NaCa(AlSi0<sub>4</sub>)<sub>6</sub>(S0<sub>4</sub>)<sub>2</sub>, լազուրիտ Na<sub>2</sub>Ca<sub>2</sub>(AlSi0<sub>4</sub>)(S0<sub>4</sub>)։ Բյուրեղագիտական համակարգը խորանարդային է։ Առաջացնում են ռոմբոդոդեկաէդրիկ ([[սոդալիտ]], լազուրիտ) և օքտաէդրիկ (հայուին) [[բյուրեղ]]ներ։ Սովորաբար հանդիպում են ապարներում տձե հատիկներով։ Կարծրությունը՝ [[5]],[[5]]-[[6]], խտությունը՝ 2300 կգ/մ³ (լազուրիտ)-2500 կգ/մ³ (հայուին)։ Գույնը՝ կապույտ, երկնագույն, դեղին, կանաչավուն, սպիտակ կամ մոխրագույն։ Մի քանի [[միներալ]]ներ (սոդալիտ, [[նոզեան]], [[հայուին]]) [[ապար]] կազմող միներալներ են նեֆելինային սիենիտներում, ֆոնոլիտներում են։ Հայուինը հանդիպում է [[Մերձբայկալ]]ում ([[ԽՍՀՄ]]), արտասահմանում՝ [[Վեզուվ]]ի շրջակայքում։ Սոդալիտի և լազուրիտի կապույտ տարբերակները թանկարժեք քարեր են։ Սինթետիկ միներալներն օգտագործվում են ռադիոէլեկտրոնիկայում և հեռուստատեսության մեջ։
