«Քրոնիկական ալկոհոլամոլություն»–ի խմբագրումների տարբերություն

== Ախտաբանություն ==

=== Ալկոհոլային հարբեցում ===

{{Հիմնական|Ալկոհոլային հարբեցում}}

[[Ալկոհոլային հարբեցում]]ը դառնում է հարբեցողի բավարարվածության և բարեկեցության զգացողության միակ վիճակը, մյուս իրադարձություններն արժեզրկվում են: Սպիրտային խմիչքի բացակայության ժամանակ, նույնիսկ ամենաբարենպաստ իրավիճակներում, առաջանում են ցրվածություն, գրգռվածություն, իջնում է աշխատունակությունը: Սպիրտային խմիչքների սովորություն դարձած քանակությունն ընդունելուց հետո տրամադրությունը լավանում է, ֆիզիկական լարումը և [[հոգեկան գործունեություն|հոգեկան գործունեության]] ուժգնությունը՝ բարձրանում, ուշադրությունը՝ կենտրոնանում: Ժամանակի ընթացքում հիվանդագին հակումը դրսևորվում է ալկոհոլի հանդեպ անզուսպ ցանկությամբ, որն սկսում է ղեկավարել հիվանդի վարքագիծը: Հակումը կարող է հասնել [[քաղց|քաղցի]], ծարավի ուժգնության և ուղեկցվել [[բիբ|բբերի]] լայնացմամբ, քրտնոտությամբ և այլն: Հարբեցողությունը ձեռք է բերում կանոնավոր, մշտական բնույթ: Փոխվում է հարբեցման ձևը թուլանում է սպիրտային խմիչքի հանգստացնոդ, թուլացնող ազդեցությունը, և ընդհակառակը, ուժեղանում է տոնուսավորոդ, դրդող հատկությունը:

Հիվանդության ընթացքում ալկոհոլամոլության ախտանշաններն աստիճանաբար փոխվում են. ընկնում է օրգանիզմի հանդուրժողականությունը սպիրտային խմիչքի հանդեպ, քրոնիկ, ալկոհոլամոլը հարբում է նույնիսկ փոքր քանակներից, խանգարվում է [[հիշողություն|հիշողությունը]]: Երբեմն հարբեցողությունը դառնում է պարբերական, առաջանում է իսկական հարբածություն, որի դեպքում յուրաքանչյուր հաջորդ օրը հիվանդը խմում է ավելի քիչ, քան նախորդ օրը, և հարբեցումն ավարտվում է հոգեֆիզիոլոգիական ծանր հյուծումով, սպիրտային խմիչքի հետագա ընդունման անհնարինությամբ: Որոշ հիվանդների մոտ իսկական հարբեցումը ձեռք է բերում բավականաչափ կանոնավոր փուլային բնույթ:

=== Խումարաթող ===

== Հետևանքներ ==

Քրոնիկ ալկոհոլամոլության կենսաբանական և սոցիալական հետևանքները ծանր են և հիվանդի, և հասարակության համար: Կենսաբանական հետևանքը հոգեբանաֆիզիոլոգիական առաջընթաց [[հյուծվածություն|հյուծվածությունն]] է: Սկզբում առաջանում են [[անուժություն|անուժության]] ախտանշաններ (հոգնածություն, թուլություն, հուզական անհավասարակշռություն), հետագայում դրանց միանում են [[անքնություն|անքնությունը]], [[ախորժակ|ախորժակի կորուստը]] և տարբեր ֆունկցիոնալ խանգարումներ: