'''[[Արցախ|Արցախի Հանրապետության]] զինանշանն''', իրենից հանրապետության պետական ինքնիշխանության, նրա տարածքում ապրող ժողովուրդների պետական միասնության, կառուցվող ագատ, իրավական պետության խորհրդանիշն է. հաստատվել է [[Լեռնային Ղարաբաղի Հանրապետություն|Լեռնային Ղարաբաղի Հանրապետության]] գլխավոր խորհրդի կողմից [[1994]] թվականի նոյեմբերի 17-ի որոշմամբ: Իրենից ներկայացնում է մի թևատարած արծիվ, որը կրում է [[Արտաշեսյաններ]]ի արքայատոհմի թագը, իսկ գլխավերևում տարածվում են արևի ճառագայթները։ Կենտրոնում դրված է վահան, որի վրա պատկերված են [[Արցախի Հանրապետության դրոշ]]ը (հորիզոնական դիրքով) և [[Ստեփանակերտ]]ի մոտ գտնվող «[[Մենք ենք, մեր սարերը (կոթող)|Մենք ենք մեր սարերը]] («Տատիկ և Պապիկ») հուշարձանը՝ Մեծ Քիրս լեռան ֆոնին։ Ներքևի մասում արծվի ճանկերի մեջ խաղողի վազեր են, թթենու պտուղներ, ցորենի հասկեր։ Վերևի կիսաշրջանաձև ժապավենի վրա արված է հայերեն մակագրություն՝ «Լեռնային Ղարաբաղի Հանրապետություն-Արցախ»։ Զինանշանի հեղինակն է [[Լավրենտ Ղալայան]]ը։
[[Կատեգորիա:Արցախի Հանրապետության պետական խորհրդանիշներ]]
