«Սալմանասար III»–ի խմբագրումների տարբերություն

'''Սալմանասար III''', գահակալել է մ․ թ․ ա․ 859-824 թվականներին։ Հաջորդել է հորը՝ [[Աշուրնասիրպալ II]]-ին (Աշշուրնածիրապալ)։ Շարունակել է հոր նվաճողական քաղաքականությունը, կատարել 32 արշավանք։ [[Արևելք]]ում տիրել է [[Զամուա]] երկրին, ավարառության է ենթարկել [[Պարսուա]]ն և [[Մարաստան|Մարաստանը]], հարավում իրենից կախման մեջ է գցել [[Բաբելոն|Բաբելոնը]], գրավել մինչև [[Պարսից ծոց]]ն ընկած տարածքը, [[արևմուտք|արևմուտքում]] հաջողությամբ պատերազմել է [[Փոքր Ասիա]]յի հարավ–արևելյան և Հյուսիսային [[Ասորիք|Ասորիքի]] թագավորությունների դեմ, հասել է մինչև [[Կիլիկիա]], իրեն ենթարկել [[Կարքեմիշ|Կարքեմիշը]], [[Հալեպ|Հալեպը]] և [[Սամալը]]։ Այնուհետև Սալմանասար III արշավել է Ասորիքի, Պաղեստինի և Փյունիկիայի մանր թագավորությունների հեգեմոն Դամասկոսի վրա։ [[853]] թվականին և [[833]] թվականին պարտության է մատնել [[Դամասկոս|Դամասկոսի]] և նրա դաշնակիցների զորքերին, սակայն չի կարողացել իրեն ենթարկել Դամասկոսը։ [[Իսրայել|Իսրայելը]], [[Տյուրոս|Տյուրոսը]] և [[Սիդոն|Սիդոնը]] դարձել են [[Ասորեստան|Ասորեստանին]] հարկատու։ Սալմանասար III իր գահակալման ամբողջ ընթացքում հարկադրված էր պայքարել հյուսիսում՝ ուրարտական ռազմատենչ ցեղերի, նոր կազմավորվող և աստիճանաբար հզորացող [[Ուրարտու]] պետության դեմ։ Ասորեստանյան զորքերը Սալմանասար III ի օրոք արշավել են [[Հայկական լեռնաշխարհ]], գրավել են մի շարք քաղաքներ, պաաերազմել Ուրարտուի արքաներ Արամեի և [[Սարդուրի I|Սարդուր I]]-ի դեմ։ Ուրարտուի աստիճանական ուժեղացումը Ասորեստանին կտրել է Փոքր Ասիայից, Հայկական լեռնաշխարհից և կարևոր հումքի այլ վայրերից, որը աստիճանաբար թուլացրել է Ասորեստանը։ Սալմանասար III Ասորեստանի տարածքը բաժանել է 26 նահանգի, որոնք կառավարել են փոխարքաները, ավարտել է դեռևս հոր ժամանակ սկսված զիկկուրատի կառուցումը։▼