«Էդուարդ Նապրավնիկ»–ի խմբագրումների տարբերություն

'''Նապրավնիկ''', Էդուարդ Ֆրանցևիչ (12(24)․8․1839, [[Բեյշտ]], [[Բոհեմիա]]-10(23)-11․1916, [[Պետրոգրադ]]), [[դիրիժոր]], [[կոմպոզիտոր]], երաժշտական գործիչ։ Ազգությամբ չեխ։ [[1861]] թվականից բնակվել է [[Սանկտ Պետերբուրգ]]ում, աշխատել իշխան Ն․ Ցուսուպովի նվագախմբում որպես [[կապելմայստեր]], [[1863]] թվականից՝ [[Մարիինյան թատրոն]]ի կապելմայստերի օգնական, [[1867]] թվականից՝ երկրորդ, [[1869]] թվականից՝ առաջին կապելմայստեր՝ կես դար ղեկավարելով ռուս, խոշորագույն օպերային թատրոնը։ Նապրավնիկը բարձր վարպետության է հասցրել թատրոնի կատարողական մակարդակը, բեմադրել բազմաթիվ ներկայացումներ։ Հանդես է եկել նաև որպես սիմֆոնիկ նվագախմբի դիրիժոր։ Սակավ նշանակալից է Նապրավնիկի կոմպոզիտորական գործունեությունը (գրել է [[օպերա]]ներ, նվագախմբային երկեր, խմբերգեր, կամերային գործիքային [[անսամբլ]]ներ, դաշ նամուրային [[պիես]]ներ, [[ռոմանս]]ներ և այլն)։ ժամանակակից թատրոնների խաղացանկում պահպանվել է միայն «Դուբրովսկի» օպերան (ըստ [[Ալեքսանդր Պուշկին]]ի, [[1895]])։

== Գրականություն ==

{{ՀՍՀ}}