Տեսակարար կշիռ

Տեսակարար կշիռ, մարմնի կշռի (P) և ծավալի (V) հարաբերությունը՝ y=P/V։ Կարող է որոշվել նաև y=μg բանաձևով, որտեղ μ-ն նյութի խտությունն է, g-ն՝ ազատ անկման արագացումը։ Ի տարբերություն խտության, տեսակարար կշիռն նյութի ֆիզիկաքիմիական բնութագիր չէ, քանի որ կախված է չափման վայրում g-ի արժեքից։ Միավորների միջազգային համակարգում տեսակարար կշռի միավորը ն/մ³-ն է։ Կիրառվել են նաև դն/սմ³, կգ/մ³ միավորները։ 1 ն/մ³=0,1 դն/սմ³= 0,102 կգ/մ³։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։