Վրան

Վրան, վաչկատուն ցեղերի շարժական բնակարան։ Գործածվել է հնագույն ժամանակներից։ Վրանի ծածկույթը պատրաստել են հիմնականում թանձր գործվածքներից (կտավ, ասվի, հարուստ անձանցը՝ անգամ մետաքսից ևն)։ Վրան․ կառուցվում է ուղղահայաց և դրանց վրա հարմարեցված հորիզոնական ձողերի վրա ծածկույթը փռելու և եզրերը բոլոր կողմերից գետնին գամած փայտե կամ մետաղյա ցցերին ամրացնելու միջոցով։ Վրան լինում են տարբեր չափերի ու ձևերի (երկարավուն, կլոր ևն), տարբեր գույնի (սպիտակ, սև, կարմիր, դեղին և այլն)։

վրան

Վրան

Ասորեստանցիներն ու արաբները վրան պատրաստել են այծի սև մազից։ Թյուրք, և մոնղոլական․ վաչկատուն ցեղերն ու ժողովուրդները գործածում են բոլորաձև փայտե կառույցքի վրա հավաքած թաղիքե կոնաձև վրան (յուրտա)՝ կանանց ու տղամարդկանց բաժանմունքներով, կենտրոնում՝ օջախ։ Մեծ վրանները վարագույրներով բաժանվում են առանձին սենյակների։ Այժմ զինվորականները, հնագիտական․, երկրաբան, և այլ արշավախմբերը գործածում են դաշտային պայմաններին համապատասխան կահավորված, տարբեր չափերի հարմարավետ վրաններ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։