'''Նովգորոդի Ռուսիա''', '''Ռյուրիկի պետություն''' կամ '''ՊրիվոլխովիեյիՊրիվոլխովիեի Ռուսիա''' ({{lang-ru|Новгородская Русь, Государство Рюрика, Поволховская Русь}}), [[արևելյան սլավոններ|արևելասլավոնական]] և [[Ֆիններ|ֆիննաուգորական]] ցեղերի միություն, պետական կազմավորում: Հիմնադրվել է [[862]] թվականին: Նրա գլուխ կանգնած էին [[Սկանդինավիա|Սկանդինավյան թերակղզուց]] [[9-րդ դար]]ում [[Նովգորոդ]] տեղափոխված Ռյուրիկովիչները<ref>[http://www.encyclopaedia-russia.ru/article.php?id=225 Նովգորոդի Ռուսիայի մասին ռուսական հանրագիտարանում]</ref>: Այն [[Կիևյան Ռուսիա]]յի նախորդն էր, հին ռուսական պետության հիմքը <ref>Цукерман К. Два этапа формирования древнерусского государства // Археологiя : журнал. — Киев: Інститут археології HAH України, 2003. — № 1.</ref>: Հետագայում, երբ հարավում նվաճվում են նոր տարածքներ և միացվում առաջին համառուսական պետությանը, [[882]] թվականին [[մայրաքաղաք]]ը տեղափոխվում է [[Կիև]]: Այդ 20 տարիներին՝ [[862]]-[[882]] կառավարել են 2 իշխաններ՝ Ռյուրիկը ([[862]]–[[879]]) և [[Օլեգ (իշխան)|Օլեգը]] ([[879]]-[[882]]): Ռուսական առաջին մայրաքաղաքի հավակնություն ունեն ''Ռյուրիկովո գորոդիշչե'', ''Հին Լադոգա'' և ''Սլովենսկ'' բնակավայրերը: Ավելի ուշ հայտնվում է [[Նովգորոդի հող]]ը ({{lang-ru|Новгородская Земля}}), որը միացյալ ռուսական պետության մասնիկներից էր:
Թեև ընդունված է համարել, որ ռուսական պետության հիմնադրման տարեթիվը [[862]] թվականն է, իսկ [[Դնեպր]] գետի մերձափնյա տարածքների գրավումը և մայրաքաղաքը Կիև տեղափոխելը՝ [[882]]-ը, սակայն որոշ պատմաբաններ գտնում են, որ իրականում Նովգորոդի Ռուսիան հիմնադրվել է [[890]] թվականին, իսկ տարածքների ընդարձակումը՝ [[10-րդ դար]]ի սկզբին:
