'''Տեղահանություն''' ({{lang-lat|deportatio}}, արտաքսում, աքսոր)։ Իրավունքի մեջ «Տեղահանություն» եզրով են կոչել [[աքսոր]]ի առանձին տեսակները, որ 18 - 19 դարերում ֆրանսիական քրեական իրավունքը կիրառել է տարբեր ժամկետներով, այդ թվում՝ Ֆրանսիայից ցմահ արտաքսվող հանցագործների նկատմամբ։ 19-րդ դարի վերջից ի վեր ''տեղահանություն'' որպես պատժամիջոց չի կիրառվել։
1915 - 16-ին [[Երիտթուրքեր|երիտթուրք կառավարության]] որոշմամբ իրականացվեց [[արևմտյան Հայաստան]]ի և [[Թուրքիա]]յի հայ բնակչության բռնի տեղահանություն, որը հայերի նկատմամբ գործադրված [[Հայոց Ցեղասպանություն|ցեղասպանության]] բաղկացուցիչ մասն էր։
ԽՍՀՄ-ում 1941 - 45-ի [[Հայրենական մեծ պատերազմ]]ի տարիներին և նրանից հետո, ամբողջատիրական վարչակարգի պայմաններում, [[ֆաշիստ]], զավթիչների հետ համագործակցության կեղծ մեղադրանքով իրականացվեց որոշ ժողովուրդների ([[Ղրիմի թաթարներ]], [[Պովոլժիե]]ի [[գերմանացիներ]], [[չեչեններ]], [[ինգուշներ]] և այլն) տեղահանություն։ Հետագայում [[ԽՍՀՄ]] պետական իշխանության բարձրագույն մարմինները դատապարտեցին այդ գործողությունները, որակելով դրանք անօրինական և տեղահանված ժողովուրդները «արդարացվեցին»։
{{ծանոթագրություններ|#Հայկական Սովետական Հանրագիտարան}}
