'''Սերգեյ Բոգդանի Կազբինցև''' (ծն. [[մարտի 24]], [[1903]] թ., [[Բաքու]] - [[1971]]թ), գեներալ-մայոր ([[1942]] թ.)։ Եղել է ԽՄԿԿ անդամ [[1925]] թ-ից։ Ազգությամբ [[հայ]]։ Ավարտել է [[Հյուսիսային Կովկաս]]ի ռազմական շրջանի ռազմաքաղաքական դպրոցը ([[1926]]թ.), Մ. Ֆրունզեի անվան ռազմական ակադեմիային կից բարձրագույն քաղաքական կազմի վերապատրաստման դասընթացը ([[1941]] թ.)։ [[Հայրենական մեծ պատերազմ]]ի ժամանակ եղել է Արևմտյան ռազմաճակատի 19-րդ բանակի շտաբի զինվորական կոմիսար, [[1941]]թ.-ի [[օգոստոս]]ից՝ Արևմտյան ռազմաճակատի զինվորական կոմիսար, ապա՝ շտաբի պետի տեղակալ։ [[1944]]թ.-ին նշանակվել է 3-րդ Բելոռուսական ռազմաճակատի քաղվարչության պետի տեղակալ, ապա՝ քաղվարչության պետ։ Մասնակցել է [[Բելոռուսիա]]յի, [[Մերձբալթիկա]]յի ազատագրմանը, Արևելապրուսական գործողությանը։ Ետպատերազմյան տարիներին վարել է պատասխանատու պաշտոններ, եղել է [[ԽՍՀՄ]] զինված ուժերի գլխավոր շտաբի քաղբաժնի պետ, Գլխավոր շտաբի ռազմագիտական վարչության պետի քաղաքական գծով տեղակալ։ Պարգևատրվել է [[Լենին]]ի, Կարմիր դրոշի 2 և այլ շքանշաններով։
