'''Հիպերբոլոիդ''' ([[հիպերբոլ]] և {{lang-gr|εΙδος}}-տեսք), երկրորդ կարգի կենտրոնավոր մակերևույթ։ Հիպերբոլոիդները լինում են միախոռոչ և երկխոռոչ։ Հիպերբոլոիդն ունի սիմետրիայի երեք փոխուղղահայաց հարթություն և սիմետրիայի երեք փոխուղղահայաց առանցք, որոնք անցնում են նրա կենտրոնով։ Եթե այդ առանցքները ընտրված են որպես [[դեկարտյան կոորդինատների համակարգ]], ապա հիպերբոլոիդի հավասարումներն են.
<math>\frac{x^2}{a^2}+\frac{y^2}{b^2}-\frac{z^2}{c^2}=1</math> (միախոռոչ), <math>\frac{x^2}{a^2}+\frac{y^2}{b^2}-\frac{z^2}{c^2}=-1</math> (երկխոռոչ)։ Հիպերբոլոիդները բոլոր հնարավոր հարթություններով հատելիս ստացվում են բոլոր կոնական հատույթները ([[էլիպս]], [[հիպերբոլ]], [[պարաբոլ]]), ինչպես նաև ուղիղների զույգ՝ միախոռոչ հիպերբոլոիդի դեպքում։ Վերջինս գծավոր մակերևույթ է, որի յուրաքանչյուր կետով անցնում են իրեն պատկանող երկու ուղիղ։ Եթե <math>a=b</math>, ապա <math>oz</math> առանցքի շուրջը ցանկացած պտույտի դեպքում հիպերբոլոիդը փոխանցվում է ինքն իրեն։ Այսպիսի հիպերբոլոիդ կոչվում է պտտման հիպերբոլոիդ։
