'''Կարմրաթևիկներ''', (Phoenicopteri), խոշոր [[թռչուններ]]ի կարգ։ Փետուրներն սպիտակ են, վարդագույն կամ կարմիր երանգով։ Գլուխը փոքր է, կտուցը մեծ, ծնկաձև ցած ծռված։ Ոտքերն ու պարանոցը երկար են։ Առջևի մատները միացած են լողաթաղանթով, ետին մատը փոքր է կամ բացակայում է։ Հայտնի է 1 ընտանիք, 3 սեռ, 4 տեսակ։ Տարածված են առավելապես արևադարձային և մերձարևադարձային երկրներում, մեկ տեսակը՝ սովորական կարմրաթևիկ, նաև ԽՍՀՄ-ում։ Արուի քաշը մինչև 4 կգ է։ Լավ լողում ու թռչում են։ Բնադրում են գաղութներով, գետնին։ Բները կառուցում են ծանծաղուտներում։ Դնում են 1-2 ձու, թխսում են էգը և արուն։ Սնվում են [[անողնաշարավոր կենդանիներ]]ով, ջրային բույսերով։ Սովորական կարմրաթևիկը երբեմն հանդիպում են նաև Հայաստանում։
