«Կավ»–ի խմբագրումների տարբերություն

թրծումից հետո՝ ստանում քարի ամրություն։ Կավի [[քիմիա]]կան գլխավոր բաղադրամասերն են՝ SiO₂ (30-70%), AI₂O₃ (10-40%) և H₂O (5-10%), երկրորդականները՝ TiO₂, Fe₂O₃, FeO, MnO, MgO և այլն։ Կավի բաղադրության մեջ կարևոր դեր են խաղում կավային միներալները՝ կաոլինիտը, մոնտմորիլոնիտը, հիդրոփայլարները։ Խսռնուրդների մեծ պարունակության դեպքում կավը փոխակերպվում է նստվածքային այլ ապարների՝ [[ավազակավ]]երի, մերգելների։ Կավը և կավային թերթաքարերը կազմում են [[երկրակեղև]]ի նստվածքային բոլոր ապարների կեսից ավելին։

Կավն առաջանում է սիլիկատային տարբեր ապարների հողմահարումից (էլյուվիալ կավ), հողմահարման նյութերի՝ ջրավազաններում վերանստեցման ճանապարհով (լճային և ծովային կավ), ջրահոսքերի հուներում (ալյուվիալ, պրոլյուվիալ կավ) և [[սառցադաշտ]]երի միջոցով (մորենային կավ)։ Կավն ունի գործնական խոշոր նշանակություն (օգտագործվում է [[թուղթ (նյութ)|թղթի]], [[ռետին]]ի, [[պլաստմասսա]]յի, [[օծանելիք]]ի արտադրության մեջ, մետալուրգիայում, արդյունաբերության այլ ճյուղերում) և արդյունահանվում է շատ մեծ քանակությամբ։

Կավից պատրաստում են կոպիտ [[խեցեգործություն|խեցեգործական]] իրեր (ամանեղեն, խողովակներ, աղյուս, կղմինդր և այլն), պլաստիկ տեսակներից՝ անոթներ, արձանիկներ, քանդակների բնօրինակներ, որոնք կամ կերտվում են այլ նյութով ([[բրոնզ]], [[մարմար]], [[բազալտ]], [[ճենապակի]] և այլն), կամ թրծվում։