'''Մայքլ Ֆա՛սբենդեր''' ({{lang-en| Michael Fassbender}}, ծնվ. [[1977]] թ. [[ապրիլի 2]], Հայդելբերգ, Գերմանիա), գերմանական արմատներով իռլանդացի դերասան<ref>[http://www.michaelfassbender.org/bymmueller.html Wonderland Magazine Interview MichaelFassbender.org. Retrieved June 27, 2011]</ref><ref>[http://articles.latimes.com/2011/mar/11/entertainment/la-et-jane-eyre-20110311|Review: 'Jane Eyre' Los Angeles Times. Retrieved June 27, 2011]</ref>։ Նրա հիշարժան դերակատարումներից են Արչի Հիքոքսը «Անփառունակ սրիկաները» ֆիլմում (2009), Մագնետոն գերհերոսների «Իքս մարդիկ. Առաջին կարգ» ֆիլմում (2011), Դեյվիդը գիտաֆանտաստիկ «Պրոմեթևս»-ում (2012) և ստրկատեր Էդվին Էփփսը «Ստրկության 12 տարի» ֆիլմում (2013)՝ պատմական դրամա, որի համար նա ներկայացվեց «[[Օսկար]]ի»՝ որպես երկրորդ պլանի լավագույն դերասան։ 2014 թ. Ֆասբենդերը կրկին խաղալու է Մագնետոյի դերը «Իքս մարդիկ. Ապագա անցյալի օրերը» ֆիլմում, այնուհետև 2015 թ. «Մարդասպանի հավատամք»-ում։
Հայտնի է նաև [[Ֆանտաստիկ ֆիլմ|ֆանտաստիկ]] [[300 սպարտացիները (ֆիլմ, 2006)|«300»]] [[մարտաֆիլմ]]ում, «Ակվարիում» դրամայում (2009), «Ջեյն Էյր» ռոմանտիկ դրամայում (2011), «Վտանգավոր մեթոդ» պատմական ֆիլմում (2011), Սթիվ ՄակՔուինի ռեժիսորությամբ կենսագրական «Քաղց» ֆիլմում (2008) և դրամատիկ «Ամոթ» ֆիլմում կատարած դերերով։ «Ամոթ» ֆիլմում տղամարդու լավագույն դերակատարման համար [[2011]] թ. օգոստոսին կայացած 68-րդ [[Վենետիկի կինոփառատոն|Վենետիկի միջազգային կինոփառատոնին]] արժանացել է «Վոլփի» գավաթի, ներկայացված է եղել «[[Ոսկե Գլոբուս]]ի» (2012, 2014) և «[[BAFTA]]»-ի (2012, 2014)։
