'''Կարամել''' ({{lang-fr|caramel}}, {{lang-lat|cannamella}}), [[շաքարեղեգ]], [[հրուշակեղեն]] արտադրանք։ Պարունակում է [[շաքար]]ների կոմպլեքս (սախարոզ, մալթոզ, գլյուկոզ) և [[միրգ|մրգեր]]ի, [[հատապտուղներ]]ի, [[ընկույզ]]ի միջուկի ու [[կակաո]]յի բաղադրամասեր։ Լինում է նաբաթով և [[խորիզ]]ով (լցոնով)։ Նաբաթով կարամել պատրաստվում է կարամելի զանգվածից, որն ստացվում է շաքարի լուծույթը օսլայի մաթի կամ մրգահյութի հետ թանձրացնելով։ Նաբաթով կարամելին համային հատկություններ տալու համար կարամելի պլաստիկ զանգվածին ավելացնում են սննդային թթուների ([[կիտրոնաթթու|կիտրոնաթթվի]], գինեքարաթթվի), [[էսենցիա]]ների և ներկանյութերի հավելանյութեր։ Խորիզով կարամելի պատրաստման ժամանակ կարամելի զանգվածից ստանում են միայն արտաքին թաղանթը, որի ներսը լցվում է խորիզը (մրգա-հատապտղային, լիկյորի, [[մեղր]]ի, [[կաթ]]նային և այլն)։ [[ԽՍՀՄ]]-ում կարամել մշակվում է լրիվ մեքենայացված գծերում։
