'''Աստվածատուր Բաբիկյան''', ([[օգոստոսի 5]], [[1738]], [[Նոր Ջուղա]] - [[ապրիլի 18]], [[1825]], [[Վիեննա]]), հայ գրող, թարգմանիչ, [[Մխիթարյան միաբանություն|Վիեննայի Մխիթարյան միաբանության]] հիմնադիրներից ու առաջին աբբահայրը։ [[1772]] թվականին Վենետիկի Մխիթարյան միաբանությունից իր տասնմեկ համախոհներով հեռացել է [[Տրիեստ]], հետագայում՝ Վիեննա (1810), ուր և հաջորդ տարին հիմնել է միաբանություն, որը [[Ավստրիա]]յի կայսր [[Ֆրանց Իոսիֆ I]] պաշտոնապես ճանաչել է 1811 թվականին։ [[1812]] թվականին հիմնադրել է նույն միաբանության մինչև օրս գործող տպարանը։ Դրել է «Համառոտ յայտյանդիմանութիւն երկուց ճշմարտութեանց ընդդէմ երկուց մոլար դրութեանց» (1817) աշխատությունը, թարգմանել Կարոլոս Բիլլուարտի «Բովանդակութիւն բովանդակութեան Ա․ Թովմայի․․․» փիլիսոփայական աստվածաբանական երկասիրությունը (հատոր 1-3, 1810-1813)։
