'''Ֆաբլուխ Ռուբենի Հարությունյան''' ([[դեկտեմբերի 10]], [[1929]], [[Ղարաքիլիսա]] (այժմ՝ [[Վանաձոր]]) - [[մայիսի 8]], [[1981]], [[Երևան]]), [[հայ]] ֆիզիկոս։ Ֆիզմաթ գիտությունների դոկտոր (1974), պրոֆեսոր (1978)։ Ավարտել է ԵՊԻ (1952)։ 1965-68-ին՝ ՀՀ ԳԱ ռադիոտեխնիկայի և էլեկտրոնիկայի ինստիտուտի, 1968-76-ին՝ ՀՀ ԳԱ ֆիզիկական հետազոտությունների ինստիտուտի բաժնի վարիչ։ 1977-81-ին՝ [[Խաչատուր Աբովյան]]ի անվան [[հայկական մանկավարժական ինստիտուտ]]ի [[ֆիզիկա]]յի ամբիոնի վարիչ։ Աշխատանքները վերաբերում են միջուկային ֆիզիկային և տարրական մասնիկների տեսությանը։ Աշխատակիցների հետ հետազոտել է ռենտգենյան անցումային ճառագայթումը և մասնակցել այդ ճառագայթման դետեկտորների ստեղծմանը։ Ուսումնասիրել է մակերևութային անհարթություններից [[էլեկտրոն]]ների ճառագայթումը, էլեկտրոնների և [[լազեր]]ային փնջի ֆոտոնների փոխազդեցությունը։
