'''Հովհաննես Սեբաստացի''' (ծննդյան թվականն անհայտ - [[1830]], [[Սեբաստիա]]), [[հայ]] պատմիչ, բանաստեղծ, եկեղեցական գործիչ։ [[1797]]-ին ձեռնադրվել է [[վարդապետ]], [[1812]]-ին՝ [[եպիսկոպոս]]։ 1809-30-ին՝ [[Սեբաստիա]]յի հոգևոր առաջնորդ։ Հովհաննես Սեբաստացու ջանքերով Սեբաստիայի թեմում բացվել են դպրոցներ, վերակառուցվել վանքերն ու [[եկեղեցի]]ները։ Գրել է ոտանավորներ, չափածո տապանագրեր, որոնց մի մասը («Ներբողական նուագերգութիւնք...») հրատարակվել է [[Թիֆլիս]]ում, [[1825]]-ին։ Գրել է նաև քարոզներ ([[Մեսրոպ Մաշտոցի անվան Մատենադարան]], ձեռագիր № 10185)։ Նրա «Պատմութիւն Սեբաստիոյ» երկն ընդգրկում է [[1021]]-ից մինչև [[1830]]-ական թթ. կարևոր իրադարձությունները։
