«Խորենի Վահան»–ի խմբագրումների տարբերություն

'''Խորենի Վահան''' (Տեր-Գևորգյան) ([[1884]] թ․, գ. [[Բռնակոթ (գյուղ)|Բռնակոթ]], [[Սյունիք]] – [[1920]], [[Գորիս]]), հասարակական-քաղաքական գործիչ։

Ավարտել է [[Էջմիածնի Գևորգյան ճեմարան]]ը, սովորել է Հալլեի (Գերմանիա) համալսարանի բժշկական բաժնում, 1913 թվականին ավարտել [[Լայպցիգի համալսարան]]ի պատմափիլիսոփայական բաժինը՝ ստանալով դոկտորի գիտական աստիճան։ Դասավանդել է Թիֆլիսի [[Թիֆլիսի Գայանյան դպրոց|Գայանյան]] և [[Թիֆլիսյի Ներսիսյան դպրոց|Ներսիսյան]] դպրոցներում։ Խմբագրել է «Աշխատավոր» (Թիֆլիս), «Հայաստանի աշխատավոր» (Երևան) թերթերը, որտեղ տպագրվել է նրա «Հայրենի նամակներ» հոդվածաշարը։ Խորենի Վահանը բարձր է գնահատել հայ աշխատավորությանը՝ նրան համարելով «արևելյան ինտերնացիոնալի» առաջապահը, մեծ դեր է հատկացրել [[ՀՅԴ]] կուսակցությանը Արևելքի հեղափոխության մեջ։ Ազատագրության գործում կողմնակից էր սեփական ուժերին ապավինելուն, դեմ էր բոլշևիկյան արևելյան քաղաքականությանը։ 1919 թվականին ընտրվել է [[Հայաստանի Դեմոկրատական Հանրապետություն|Հայաստանի Հանրապետության]] խորհրդարանի պատգամավոր։ Լինելով հայ, պետականության ջատագով՝ նախաձեռնել է Հայաստանում պետական և հասարակական կյանքի ազգայնացման ծրագիրն ու գործը։ 1920 թվականի օգոստոսին, կառավարության հանձնարարությամբ, մեկնել է [[Սյունիքի մարզ|Զանգեզուր]]՝ հնարավոր քաղաքացիական կռիվները կանխելու համար։ Խորհրդային իշխանությունների կողմից դավադրաբար ձերբակալվել է և Գորիսի բանտում 13 այլ դաշնակցականների հետ սպանվել։