'''Ալվար Հուգո Հենրիկ Աալտոն''' (ծնված՝ [[փետրվարի 3]] [[1898]] թ. - մահացած՝ [[մայիսի 11]] [[1976]] թ.), ֆինն ճարտարապետ, [[Ֆինլանդիա]]յի ակադեմիայի անդամ ([[1955]])։ Ծնվել է փետրվարի 3-ին, Կուորտանեում։ Իր կնոջ՝ ճարտարապետ Այնոյի ([[1894]]-[[1949]]) գործակցությամբ աշխատել է [[Ֆինլանդիա]]յում, [[Շվեդիա]]յում, [[ԱՄՆ]]-ում և այլ երկրներում։ Զբաղվել է նաև քաղաքաշինությամբ։ Վաղ շրջանի կառույցների խիստ երկրաչափական ձևերից Աալտոն հանգեց ազգային ավանդույթների, ֆունկցիոնալիզմի և օրգանական ճարտարապետության սկզբունքների ինքնատիպ զուգորդմանը, ծավալա-տարածական ազատ ու ճկուն հորինվածքին, որը հմտորեն մերել է բնական միջավայրի հետ։ Աալտոն մեծ տեղ է հատկացրել փայտի կիրառմանը։