«Աբեթասնկեր»–ի խմբագրումների տարբերություն

'''Աբեթասնկեր''' ({{lang-lat|Aphyllophorales}}) [[բազիդիավոր սնկեր]]ի մի քանի ընտանիքների պատկանող սնկերի ընդհանրացված անվանումը։ Առավել տարածված են [[աբեթասնկայիններ]]ի ({{lang-lat|Polyporaceae}}) ընտանիքի ներկայացուցիչները, որոնք [[Հայաստան]]ում կազմում են 105 տեսակ։ Ամենատարածվածը {{bt-armlat|աբեթասունկ թեփուկավոր|Polyporus sguamosus}}-ն է։ Աճում է բոլոր մարզերի սաղարթավոր անտառների բների կամ փտած կոճղերի վրա՝ կղմինդրաձև դասավորված մեծ խմբերով (450-2200  մ բարձրություններում)։ Գլխարկի տրամագիծը 5-50 սմ, հաստությունը 0.5-10 սմ է, կիսակլոր է, կողքային, բաց դեղնավուն, մակերեսը՝ չոր՝ ծածկված գորշ, օղակաձև դասավորված թեփուկներով, եզրերը՝ բարակ, երբեմն՝ ներս ոլորված։ Ոտիկը գլխարկի գույնի է, հիմքում՝ սևացած գլանաձև, հաստ, կարճ։ Խողովակների շերտն սկզբում սպիտակ է, ապա՝ դեղնավուն։ [[Պտղամիս]]ն ամուր է, սպիտակ, հաճելի համով և հոտով։ Ուտելի է, օգտագործվում են միայն երիտասարդ պտղամարմինները՝ թարմ և չորացած։ Գերիշխող մասը [[բնափայտ]]ը քայքայող սնկեր են, կան նաև բուժական նշանակություն ունեցող տեսակներ։