«Արգելափակոց»–ի խմբագրումների տարբերություն

'''Արգելափակոցը''' կամ ''ինժեներական արգելափակոցը'' զորքերի առաջխաղացմանը խոչընդոտող կառույց է, հարմարանք և ավերածություններ (փլուզումներ)։ Ստեղծվում են հակառակորդին կորուստներ պատճառելու, նրա տեղաշարժը և գործողությունները դժվարեցնելու, զորաշարժը կաշկանդելու կամ սեփական զորքերի հաամար առավել նպաստավոր ուղղություններով նրան շարժվել հարկադրելու նպատակով<ref name="ՄերՀաղթԱ">{{գիրք|հեղինակ = [[Գագիկ Հարությանունյան]], Սուրեն Մարտիկյան, Արտակ Մովսիսյան (պ.գ.թ.) |մաս = |վերնագիր = Մեր հաղթանակները |հղում = |պատասխանատու = Էդուարդ Լ.Դանիելյան|հրատարակություն = |վայր = Երևան |հրատարակչություն = «Գասպրինտ» ՍՊԸ|թվական = 2010 |հատոր = Ա|էջեր = 259|էջ = |սերիա = |ISBN = 978-9939-90000-2-5 |տպաքանակ = 500}}</ref>: Արգելափակոցները իրականացվում և տեղադրվում են ինչպես հակառակորդի հետ շփման գծում այնպես էլ թիկունքում: Օգտագործվում են սեփական զորքերի դիքերը, տեղակայման վայրերը, հատուկ կարևոր օբյեկտները պաշտպանելու համար: Արգելափակոցներ կարող են տեղադրվել ինչպես միայն հիմնական ճանապարհների, տանկավտանգ ուղղությունների ու հարձակման հնարավոր ուղղութունների վրա, այնպես էլ ամբողջ շփման գծի երկայնքով և [[ամրացված շրջան]]ների տեսքով: Հակառակորդի կողմից սեփական արգելափակոցները վնասազերծելուց, ոչնչացնելուց ու քանդելուց խուսափելու համար կազմակերպվում է արգելափակոցների մշտական պահպանություն են՝ շփման գծի [[դիտորդ]] անձանակազմի ուժերով, կամ հատուկ պարեկային ծառայության կողմից:

 

== Տեսակները ==

Լինում են ծովային և ցամաքային: Ծովային արգելափակոցները տեղադրվում են ծովում և նախատեսված են հակառակորդի ռազմածովային ուժերի դեմ պայքարելու համար: Կան նաև օդային արգելափակոցներ, որորնք լայնորեն կիրառվել են [[առաջին համաշխարհային պատերազմ|առաջին]] և [[երկրորդ համաշխարհային պատերազմ|երկրորդ]] համաշխարհային պատերազմների տարիներին: Օգտագործվում էին հակառակորդի ինքնաթիռների թռիչքները կասեցնելու, խոչընդոտելու, ռմբակոծմանը խանգարելու համար: Օդային արգելափակոցների ամենատարածված օրինակ է օդապարիկը(աերոստատ):

Պայթյունային արգելափակոցներում օգտագործվում են [[ական]]ներ և [[պայթուցիկ նյութ]]եր: Պայթյունային արգելափակոցների օրինակներ են [[ականադաշտ]]երը, առանձին կամ հատուկենտ տեղադրված ականները, [[ֆուգաս]]ները: Ոչ պայթյունային արգելափակոցներ են մնացած բոլոր տեսակի արգելափակոցները, որոնցում չեն օգտագործվում [[ական]]ներ և [[պայթուցիկ նյութ]]եր: Ոչ պայթյունային արգելափակոցների օրինակներ են [[փշալար]]երը, [[հակատանկային ոզնի]]ները, փոսերը, էսկարպնեը, հակաէսկարպները, բարիկադները, [[կարճասյուն]]ները և այլն: Համակցված արգելափակոցները պայթյունային և ոչ պայթյունային արգելափակոցների համակցությունն է, օրինակ՝ փշալարերով պատված ականադաշտ:

Արգելափակոցները ըստ նշանակության լինում են ''հակատանկային'', ''հակահետևակային'' և ''խառը'': Հակատանկային արգելափակոցը նախատեսված է հակառակորդի ցամաքային տրանսպորտային միջոցների և զրահատեխնիկայի դեմ կիրառելու համար: Հակահետևակային արգելափակոցները նախատեսված է հակառակորդի կենդանի ուժի(հետիոտն զինվորներ) դեմ օգտագործելու համար: Խառը արգելափակոցնեը հակատանկային և հակահետևակային արգելափակոցների համակցությունն են: Ծովային ափամերձ շրջաններում, որտեղ հնարավոր է հակառակորդի [[ծովային դեսանտ]]ի իջեցում տեղակայվում են արգելափակոցներ որոնք բաղկացած են բոլոր տեսակի ականներից, ափամերձ շրջաններում ջրի մեջ տեղադրվում են [[ծովային ական]]ներ, արդեն ափում(նաև քիչ խորությամբ ջրի մեջ)՝ ավազի մեջ տեղադրվում են հակատանկային և հակահետևակային ականներ ու ոչ պայթյունային արգելափակոցներ(ոզնիներ, փշալարեր): Այս տիպի արգելափակոցները [[ԽՍՀՄ|խորհրդային]] գրականության մեջ անվանվում է հակադեսանտային արգելափակոցներ<ref name="book">"Военный энциклопедический словарь", Пред. гл. редакционной комиссии Маршал Советского Союза С.Ф. Ахромеев, Москва Воениздат-1986</ref>:

 

== Տես նաև ==