«Աշոտ Մադաթյան»–ի խմբագրումների տարբերություն

'''Աշոտ Մադաթյան''' ([[1884]], [[Թեհրան]] – [[ապրիլի 22]], [[1965]], [[Ստամբուլ]]), հայ դերասան, ռեժիսոր, թարգմանիչ։ [[1902]] թվականից խաղացել է Մ. Մ. Մնակյանի դերասանախմբում և Ր. Րըտվանի թուրքական խմբում։ [[1908]] թվականի երիտթուրքական հեղաշրջումից հետո կազմակերպել է «Ազատ թատրոնը» (Ե. Շահենի հետ)։ [[1910]]-ական թվականներին մասնակցել է Հ. Զարիֆյանի, [[Վահրամ Փափազյան]]ի, Ֆելեկյան քույրերի ներկայացումներին, [[1919]]-[[1923]] թվականներին եղել է [[Կ.Պոլիս|Կ. Պոլսի]] հայ դրամատիկական թատերախմբի կազմակերպիչներից և ռեժիսորներից, ապա աշխատել քաղաքապետարանի թատրոնում, ունեցել սեփական ստուդիա։ Խաղացել է ավելի քան 50 դեր, բեմադրել շուրջ 300 պիես։ Թուրքերեն է թարգմանել Սունդուկյանի «Պեպոն» (բեմադրել է [[1934]] թվականին), Շանթի «Հին աստվածները» ևն, հայ.՝ Ա Դյումա-որդու «Կամելիազարդ տիկինը»։<ref>«Ով ով է։ Հայեր» հանրագիտարան, հատոր երկրորդ, Հայկական հանրագիտարան հրատ., Երևան, 2007, էջ 9:</ref>