«Սոկրատ Աքմաքչյան»–ի խմբագրումների տարբերություն

Սոկրատ Վռամի Աքմաքչյանը ծնվել է 1922թ. հունվարի 15-ին Ղարաքիլիսայում(այժմ Վանաձոր)իրավաբանի ընտանիքում։ Նրա հայրը՝ Վռամ Աքմաքչյանը, թեև սիրում էր թատրոնը, բայց հեռու էր բեմարվեստից և չէր մտածում այն մասին, որ որդին թատրոնի աշխատող կդառնա։ Իսկ պապը՝ Արշակը, հայտնի էր որպես «անուղղելի» թատերասեր, որը շատ անգամ ամառանոցային Ղարաքիլիսա քաղաքը ժամանող հայ արտիստների հետ հանդես էր գալիս ներկայացումերում։ Ավարտել է [[Երևանի Թատերական ինստիտուտ]]ի ռեժիսորական բաժինը, այնուհետև աշխատանքի է անցել [[Կիրովականի թատրոն]]ում։ Երկար տարիներ ղեկավարել է [[Կիրովական]]ի (այժմ՝ Վանաձոր) թատրոնը։

 

 

1944թ. հոր համառ պահանջով Սոկրատն ընդունելության քննություններ է հանձնում պետհամալսարանի պատմական ֆակուլտետի համար, որպեսզի հետագայում տեղափոխվի իրավաբանական։ Բայց, երբ նույն 1944թ. բացվեց Երևանի թատերական ինստիտուտը, Սոկրատ Աքմաքչյանը, չտատանվելով, փոխադրվում է թատերական ինստիտուտ, հանձնում քննություններ ռեժիսորական կուրսի համար և հորը կանգնեցնում է կատարված փաստի առաջ։ Բանն այն է, որ թատրոնն Աքմաքչյանին գրավել էր դեռ դպրոցական նստարանից։ Նա մասնակցում էր դպրոցական ներկայացումներին՝ երրորդ դասարանից սկսած։ Արդեն իններորդ դասարանում հանդես եկավ «Պեպո» պիեսում՝ գլխավոր դերում։ Ի դեպ 1936թ., դպրոցական այս ներկայացման մեջ նրան տեսավ Վարդան Աճեմյանը, երբ Կիրովականի թատրոնում բեմադրվում էր Լ. Միքայելյանի «Գոշը», որի մեջ մասսայական տեսարանում Սոկրատ Աքմաքչյանը հանդես էր գալիս գյուղացու դերում։