«Համազասպ Բաբաջանյան»–ի խմբագրումների տարբերություն

'''Համազասպ Խաչատուրի Բաբաջանյան''' ([[Փետրվարի 18]],[[1906]], [[Խաչիսար]] (Չարդախլու), [[Գարդմանք]] - [[Նոյեմբերի 1]], [[1977]], [[Մոսկվա]]), Խորհրդային Միության [[զրահատանկային զորքերի գլխավոր մարշալ]], [[Հայրենական Մեծ Պատերազմ]]ի հերոս։

Համազասպ Խաչատուրի Բաբաջանյանը ծնվել է 1906թ. [[Գարդմանք]]ի [[Խաչիսար]] (Չարդախլու) գյուղում։ Սովորել է ծննդավայրի դպրոցում, 1925-ին ընդունվել է Երևանի Մյասնիկյանի անվ. ռազմական դպրոց։ 1938-ին նշանակվել է գնդի հրամանատարի տեղակալ (Լենինգրադ), մասնակցել է ֆիննական պատերազմին, ծառայել Կովկասյան ռազմական օկրուգում՝ որպես գնդի հրամանատար։ 1941-42թթ. մասնակցել է Վիտեբսկ, Սմոլենսկ, Ելնյա քաղաքների, Հարավային ռազմաճակատի գործողություններին։ Եղել է մեքենայացված կորպուսի բրիգադի հրամանատար։ Դնեստրի գետանցման ժամանակ, հրամանատարական հմուտ գործողությունների համար (1944), արժանացել է Խորհրդային Միության հերոսի կոչման։ Պատերազմից հետո ավարտել է ռազմական ակադեմիան (1948)։ Եղել է Օդեսայի ռազմական օկրուգի զորքերի հրամանատար, զրահատանկային զորքերի ակադեմիայի պետ, ԽՍՀՄ տանկային զորքերի պետ։ 1975թ. նրան շնորհվել է զրահատանկային զորքերի գլխավոր մարշալի կոչում։ Վախճանվել է 1977 թվականին, Մոսկվայում։