Հայկ Մելքոնյան

Հայկ Հովհաննեսի Մելքոնյան (1911 գյուղ Բլուրմակ (Վանի վիլայեթ)-1979, Երևան], կուսակցական և պետական աշխատող։ ՍՄԿԿ անդամ 1932 թվականից։ Ավարտել է ՍՄԿԿ Կենտկոմին կից կուսակցական բարձրագույն դպրոցը (1954)։ 1940-1941 թվականին եղել է ՀԿԿ Երևանի Կիրովյան շրջկոմի առաջին քարտուղար։ Հայրենական մեծ պատերազմի ժամանակ կռվել է Լենինգրադյան ռազմաճակատում։ 1948-1951 թվականին եղել է Կիրովականի քաղկոմի առաջին քարտուղար, 1954-1957 թվականին՝ ՀԿԿ Կենտկոմի բաժնի վարիչ։ 1957-1961 թվականին Մելքոնյանը ՀՍՍՀ ներքին գործերի մինիստրն էր, 1961-1974 թվականին՝ ՀՍՍՀ Մինիստրների խորհրդի գործերի կառավարիչը։ 1974-1979 թվականին գլխավորել է Հայկ․ժական ՍՍՀ Մինիստրների խորհրդի ձկնատնտեսության միավորումը։ Պարգևատրվել է Կարմիր դրոշի Հայրենական պատերազմի 1-ին և 2-րդ աստիճանների շքանշաններով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։