'''Մեգալոպոլիս''' (հուն, μεγαλόπολις-շատ մեծ քաղաք, Մեծն քաղաք), քաղաքների վիթխարի կուտակում, գերիշխող ագլոմերացիա:ագլոմերացիա։ Տերմինն առաջացել է Հին Հունաստանի Արկադիա նահանգի ավելի քան 35 բնակավայրի միաձուլումից գոյացած Մեգալոպոլիս քաղաքի անունից:անունից։ Արդի Մեգալոպոլիսների հիմնական գծերն են՝ բնակչության գերկուտակումը սահմանափակ տարածության վրա (տես Ուրբանիզացիա), կառուցապատման գծային բնույթը (գլխավորապես տրանսպորտային մայրուղիների երկայնքով), ընդհանուր բազմակենտրոն կաոուցվածքը (պայմանավորված իրար համեմատաբար մոտ գտնվող խոշոր քաղաքների փոխազդեցությամբ), մարդու գործունեությամբ բնության հավասարակշռության խախտումը:խախտումը։ Առաջին անգամ Մեգալոպոլիս է անվանվել ԱՄՆ-ի հյուսիս-արևելյան ծովեզերքի երկայնքով [[1000]] կմ ձգվող ընդարձակ ուրբանիզացված գոտին (լայնությունը տեղ-տեղ՝ մինչև 200 կմ), որը բաղկացած է միմյանց հաջորդող [[Բոստոն]]ի, [[Նյու Յորք]]ի, [[Ֆիլադելֆիա]]յի, [[Բալթիմոր]]ի, [[Վաշինգտոն]]ի [[ագլոմերացիա]]ներից, ինչպես նան շղթայի գլխավոր հանգույցների և նրա ծայրամասերում գտնվող ավելի մանր ագլոմերացիաներից (բնակչությունը՝ 40 մլն):։ Ձևավորվող առավել խոշոր Մեգալոպոլիսներներից են [[ԱՄՆ]]-ում՝ Մերձլճայինը (20 մլն մարդ) և Հարավկալիֆոռնյանը (12 մլն մարդ), ճապոնիայում՝ Տոկիո-Օսակայինը (55 մլն մարդ), [[Մեծ Բրիտանիա]]յում՝ Լոնդոն-Լիվերպուլյանը (30 մլն մարդ), [[ԳՖՀ]]-ում՝ [[Հռենոս-Ռուրյանը]] (10 մլն մարդ):։
