Անուշ Եղիազարյան

Անուշ Կարապետի Եղիազարյան (հունիսի 15, 1965, Երևան), հայ նկարչուհի, գոբելենագործ:

Անուշ Եղիազարյան
Ծնվել է	հունիսի 15, 1965(1965-06-15) (58 տարեկան)
Ծննդավայր	Երևան, Հայկական ԽՍՀ, ԽՍՀՄ
Ազգություն	Հայաստան
Քաղաքացիություն	ԽՍՀՄ և  Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1984) և Երևանի թատրոնի և կինոյի պետական ինստիտուտ (1990)
Մասնագիտություն	նկարչուհի
Անդամակցություն	Հայաստանի նկարիչների միություն
Հայր	Կարապետ Եղիազարյան

ՀՀ վաստակավոր նկարիչ, գոբելենագործ Կարապետ Եղիազարյանի դուստրն է:

Կենսագրություն

1984 թվականին ավարտել է Փանոս Թերլեմեզյանի անվան գեղարվեստի ուսումնարանը, 1984-1990 թթ. սովորել է Երևանի գեղարվեստաթատերական ինստիտուտում:

1996 թվականից Հայաստանի նկարիչների միության անդամ է:

1991-2009 թթ. դասավանդել է Խաչատուր Աբովյանի անվան հայկական պետական մանկավարժական համալսարանում, դոցենտ` 2003 թվականից, 2008 թվականից` դոկտոր, պրոֆեսոր` 2011 թվականից:

2009 թվականից ՀՀ Նկարիչների միության դեկորատիվ-կիրառական արվեստի մասնաճյուղի բյուրոյի անդամ է:

2009 թվականից Հայկական պետական մանկավարժական համալսարանի դիզայնի և դեկորատիվ-կիրառական արվեստի ամբիոնի վարիչն է, 2010 թվականից Կերպարվեստի համահայկական ընկերակցության անդամ:

Հեղինակ է բազմաթիվ հոդվածների, մեթոդական ձեռնարկների, մենագրությունների, պատկերագրքերի:

Մասնակցել է բազմաթիվ ցուցահանդեսների Հայաստանում և նրա սահմաններից դուրս: Ունեցել է անհատական ցուցահանդեսներ Երևանում և արտասահմանում:

Մեջբերումներ ԱՆուշ Եղիազարյանից

Ես չեմ ընտրել իմ արվեստը, այն իմ արյան կանչով է: Այս արվեստն իմ կենսակերպն է, այն սիրում եմ սուբլիմացիայի աստիճանի:

Արտաքին հղումներ

• «Գոբելենն ազնվական, էլիտար արվեստ է», Անուշ Եղիազարյան
• Դիզայնի և դեկորատիվ-կիրառական արվեստի ամբիոն
• Հայկական ավանդույթների պահպանումը մշակութային փոխազդեցությունների պայմաններում,Անուշ Եղիազարյան