Մարզիչ

Մարզիչ, ֆիզկուլտուրայի ուսուցիչ, որոշակի մարզաձևի մասնագետ: Կատարում է ուսումնամարզչական աշխատանք մարզիկներ դաստիարակելու, ուսանելու և վարպետությունը կատարելագործելու նպատակով, զարգացնում նրանց ֆունկցիոնալ հնարավորությունները: ԽՍՀՄ-ում մարզիչներ հիմնականում պատրաստում էին ֆիզիկական կուլտուրայի ինստիտուտների մարզական ֆակուլտետները: Միջազգային և համամիութենական մրցումներում բարձր արդյունքների հասած մարզիկներ և թիմեր պատրաստելու համար մարզիչին շնորհվում էր ԽՍՀՄ կամ հանրապետության վաստակավոր մարզիչի պատվավոր կոչում:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։