'''Լեզուների ցեղակցություն''', մեկ ընդհանուր հիմք լեզվից առաջացած երկու և ավելի [[լեզու]]ների միջև բառապաշարային, հնչյունական, քերականական ընդհանրությունների ու կանոնավոր համապատասխանությունների առկայությունը: Ըստ այդմ աշխարհի լեզուները խմբավորվում են տարբեր [[լեզվաընտանիք]]ների, ապա առավել մերձավոր կապերի առկայությամբ, լեզվաճյուղերի և լեզվախմբերի մեջ:
'''Լեթարգիա''', լեթարգիկ քուն, հիվանդագին վիճակ, որը նման է քնին: Բնորոշվում է անշարժությամբ, արտաքին գրգիռների նկատմամբ ռեակցիայի բացակայությամբ և կյանքի արտաքին նշանների ինտենսիվության իջեցմամբ (այսպես կոչված, «Փոքր կյանք» կամ «կարծեցյալ մահ»): Սակայն նույնիսկ ամենածանր լեթարգիան կարելի է տարբերել [[Մահ|մահից]] և կանխել կենդանի անձանց [[Թաղում|թաղումը]]: Հանդիպում է [[հիստերիա]]յի, ընդհանուր հյուծվածության, հոգեկան ուժեղ ցնցումների և այլ դեպքերում: Լեթարգիայի նոպան սկսվում է հանկարծակի, տևում է մի քանի [[ժամ]]ից մինչև մի քանի [[օր]]: Հիվանդի գիտակցությունը սովորաբար պահպանվում է: Ընկալում և հիշում է շրջապատը, սակայն ռեակցիան բացակայում է:
