'''Հաղթակամար''', հաղթադարպաս, նշանավոր իրադարձության պատվին կանգնեցված, ժամանակավոր կամ մշտական մոնումենտալ կամարակապ դարպաս: Ունի կամարաձև թաղերով ծածկված մեկ կամ երեք թռիչք, ավարտվում է անտաբլեմենտով և ատտիկով, զարդարվում արձաններով, ռելիեֆներով, հուշագրություններով: Հաղթակամարները ստեղծվել են [[Հին Հռոմ|Հին Հռոմում,]] հաղթանակողի հանդիսավոր մուտքի արարողության համար (Տիտուսի, 81, Սեպտիմիոս Սևերոսի, 203, Կոնստանտինի, 315, Հաղթակամարներըհաղթակամարները Հռոմում): Կոնսաանտինի հաղթակամարը (315) Հռոմում նույնատիպ հաղթակամարներ են կառուցվել [[Փարիզ|Փարիզում՝]] Կառուզել (1806, ճարտ. Շ.Պերսիե և Պ. Ֆոնտեն) և Աստղի (1806—37, ճարտ. ժԺ. Ֆ. Շալգրեն) հրապարակներում: Ռուսաստանում հաղթակամարներ կանգնեցվել են [[Պետրոս Մեծ|Պետրոս Մեծի]] ժամանակներից, ռազմական հաղթանակների պատվին: Ռուսական հաղթակամարներից են՝ [[Մոսկվա|Մոսկվայի]] հաղթադարպասը (1827— 1834, ճարտարապետ Օ. Ի. Բովե, վերականգնվել է 1968-ին, Կուտուզովի պողոտայում), Նարվայի հաղթադարպասը [[Լենինգրադ|Լենինգրադում]] (1833, ճարտ. Վ. Պ. Ստասով): 2. Քրիստոնեական տաճարներում հաղթակամար է անվանվում գլխավոր նավը աբսիդին կամ տրանսեպտին կապող կամարը, ի նշանավորումն «հաղթանակած» քրիստոնեության կրոնի: Վերածնունդը նույնպես ընդունեց հաղթակամարի խորհրդանշական իմաստը՝ այն կիրառելով նաև ճակատներում: Հաղթակամար գաղափարը կիրառվեց նաև թագավորներին, իշխաններին նվիրվող գլխավոր քաղաքային դարպասներում ([[Լյուդովիկոս XIV]]-ի Հ. Փարիզում): Կլասիցիզմի ժամանակաշրջանում հաղթակամարը դառնում է քաղաքաշինական տարրերից մեկը:
