«Կրկնակի բեղմնավորում»–ի խմբագրումների տարբերություն

'''Կրկնակի բեղմնավորում''', [[ծածկասերմ բույս]]երի սեռական պրոցես, [[Բեղմնավորում|բեղմնավորվում]] են ձվաբջիջը և [[սաղմնային պարկ]]ի [[երկրորդային կորիզ]]ը: Բացահայտել է ռուս գիտնական Ա. Նավաշինը ([[1898]] թվականին), բույսերի 2 տեսակի՝ շուշանի (Lilium martagon) և արքայապսակի (Fritillaria orientalis) վրա կատարած հետազոտությունների ժամանակ: [[Սաղմնային պարկ]]ը 8-կորիզանի [[բջիջ]] է, յուրաքանչյուր բևեռում 4-ական: Բևեռներից մեկական կորիզ շարժվում է դեպի կենտրոն և կազմում բևեռային կորիզներ: Մեկ բևեռում մնացած 3 կորիզներից մեկը դառնում է [[ձվաբջջի կորիզ]], մնացածները քայքայվում են: [[Հապլոիդ միկրոսպոր]]ը զարգանում է [[փոշեպարկ]]ում, որպես փոշեհատիկ, որի կորիզը բաժանվում է 2 տարաչափ կորիզի՝ վեգետատիվ և գեներատիվ: Վերջինս նորից է կիսվում և առաջացնում է երկու [[սերմնաբջիջ]]: Միկրոպիլային անցքով մտնելով փոշեհատիկի մեջ, փոշեհատիկային խողովակի ծայրը պատռվում է, 2 [[գեներատիվ կորիզ]]ներն ընկնում են սաղմնային պարկ: Նրանցից մեկը շարժվում է դեպի [[ձվաբջջի կորիզ]]ը, միաձուլվում նրա հետ և առաջացնում դիպլոիդ [[զիգոտ]], որն աճելով դառնում է [[սերմ]]: Գեներատիվ մյուս կորիզը մոտենում է 2 բևեռային կորիզներին, միաձուլվում նրանց հետ, և էնդոսպերմի կորիզն է գոյանում, որն ունի [[քրոմոսոմ]]ների եռակի հավաք: [[Բեղմնավորում]]ից հետո զիգոտը բազմաթիվ անգամ բաժանվելով առաջացնում է սաղմը: Ըստ իգական և արական կորիզների միաձուլման եղանակի, տարբերում են կրկնակի բեղմնավորման 2 տիպ. ''նախամիտոտի՚կ''նախամիտոտիկ, երբ սպերմի կորիզը ընկղմվում է իգական ձվաբջջի կորիզի մեջ, քրոմոսոմները ենթարկվում են ապագալարացման: Երկու կորիզների քրոմոսոմները միանում են ինտերֆագում (զիգոտում): ''Ետմիտոտիկ'' իգական և արական կորիզները պահպանում են իրենց թաղանթները, և միաձուլումն սկսվում է [[պրոֆազ]]ի վերջում: Արական և իգական քրոմոսոմային հավաք ունեցող ինտերֆազ կորիզներն առաջանում են միայն զիգոտի առաջին միտոտիկ բաժանումից հետո: