'''Լև Աբրամովիչ Կասիլ''' (1905—1970), [[ռուս]] խորհրդային գրող։ [[ԽՍՀՄ]] մանկավարժական գիտությունների ակադեմիայի թղթակից անդամ (1965)։
== Ստեղծագործություններ ==
Հիմնականում գրել է պատանիների համար։ «Կոնդուիտ» (1930, հայերեն հրտ. 1935) և «Շվամբրանիա» (1933) վիպակները պատկերում են 1917-ի [[հեղափոխություն|հեղափոխական]] իրադարձությունները։ «Իմ սիրելի մանչուկներ» (1944, հայերեն հրտ. 1946) և «Կրտսեր որդու փողոցը» (1949, Ս. Պոլյանովսկու հետ, ԽՍՀՄ պետական մրցանակ, 1950, հայերեն հրտ. 1953, համանուն կինոնկար, 1962) գործերում նկարագրում է սովետական երեխաների կյանքը [[պատերազմ]]ի օրերին։ «Մեծ դիմակայություն»-ը (գիրք 1-2, 1941-1947, գիրք 1, հայերեն հրտ. 1942) և «Վաղ արշալույս»-ը (1953, հայերեն հրտ. 1957) նվիրված են [[արվեստ]]ի մարդկանց, «Գլադիատորի թասը» (1961, հայերեն հրտ. 1965) և «Պատրաստ եղեք, Ձերդ բարձրություն»-ը (1964)՝ բարոյագիտական խնդիրներին։
