«Ասատուր Ասատրյան»–ի խմբագրումների տարբերություն

Ծնվել է [[Վանի վիլայեթ]]ի [[Բերդակ]] գյուղում: Նախնական կրթությունը ստացել է մանկատներում: [[1933]]-ին ավարտել է Երևանի հայկական մանկավարժական ինստիտուտը: Սովորելուն զուգահեռ աշխատել է որպես [[«Հիդրոշինարար» թերթ]]ի խմբագիր: Հետագայում եղել է Վաղարշապատի [[«Բամբակի համար» շրջանային թերթ]]ի խմբագիր: [[1935]] - [[1936]]-ին [[«Խորհրդային դպրոց» թերթ]] խմբագիրն էր: [[1935]] - [[1938]]-ին սովորել է [[Երևանի պետական համալսարան]]ի ասպիրանտուրայում: [[1938]]-ից աշխատել է Արմֆանի գրականության ինստիտուտում որպես գիտաշխատող: [[1941]]-ին «[[Ավետիք Իսահակյան]]ի ստեղծագործությունը» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան: Երկար տարիներ եղել է ՀԽՍՀ ԳԱ Մ. Աբեղյանի անվան գրականության ինստիտուտի նոր գրականություն բաժնի վարիչը: Մասնակցել է հայ դասականների երկերի ակադեմիական հրատարակությունների պատրաստմանը: Երիտասարդ տարիներին գրել է բանաստեղծություններ, որոնցից մի քանիսը տպագրվել է ''Ասուր Վերկառն'' ծածկանունով: Հետո թողոլ է պոեզիան և զբաղվել բացառապես գրականագիտությամբ: Մահացել է [[1964]]-ին , [[Երևան]]-ում:<ref>{{cite book|title=Գրական տեղեկատու|publisher=«Սովետական գրող»|location=Երևան|year=1981|page=էջ 39-40}}</ref>,