«Ռա»–ի խմբագրումների տարբերություն

Ռան համարվել է արարիչն աշխարհի և մարդկանց (իբր ծնվել են Ռաի արցունքներից<ref>Hart, George (1986). A Dictionary of Egyptian Gods and Goddesses. London, England: Routledge & Kegan Paul Inc. pp. 179–182. ISBN 0-415-05909-7.</ref>), հայրն աստվածների և [[փարավոն|փարավոնի]] (փարավոնները կրել են «Ռաի որդի» տիտղոսը)։ «Բուրգերի բնագրերում» Ռան դրսևորվում է նաև որպես հանգուցյալ փարավոնի խնամակալ աստված (իբր նա մասնակցել է անդրշիրիմյան ատյաններին, ննջեցյալ փարավոններին պարգևել [[լույս]] ու [[ջերմություն]])։ Իրենց հատկանիշներով հանդերձ, աստիճանաբար Ռաին են ձուլվել բազմաթիվ հին աստվածություններ՝ [[Հորուս]]ը (Ռա-Հորախթի), [[Ամոն]]ը (Ամոն-Ռա), [[Պտա]]ն, Օսիրիսը, [[Խնում]]ը, [[Խեփրի]]ն, Սեբեկը և ուրիշներ։ [[Լուսին|Լուսնի]] աստված Տոտը համարվել է Ռաի սիրտը և գիշերային տեղապահը, Ապիսը և Բենուն՝ նրա ոգիները, Մնեիսը՝ միջնորդն ու ճշմարտություններ զեկուցողը, հրաշունչ վիշապ Ուտոն՝ աչքը և հովանավորը։ Ռան համարվել է նաև Երկինք-Կովից ծնված «Ոսկե հորթ», կամ ծնված Հրե կղզուց, որը նրան քաոսն ու խավարը ոչնչացնելու ուժ է պարգևում, աշխարհում արդար ու ճշմարիտ կարգեր հաստատելու համար: Նաեւ համրվել է, որ ինքնածին է, առաջացել է ջրային հավերժական քաոսի ընդերքում։<br />