«Աբդ ալ-Կադիր ալ-Ջազաիրի»–ի խմբագրումների տարբերություն

'''Աբդ էլ-Կադիր''' ([[սեպտեմբերի 6]], [[1808]], [[Մասկարա]] - [[մայիսի 26]], [[1883]], [[Դամասկոս]]; {{lang-ar|عبد القادر الجزائري}}), [[ֆրանսիա]]կան գաղութարարների դեմ [[Ալժիր]]ի ժողովրդի ազատագրական շարժման առաջնորդ։ Աբդ էլ-Կադիրի հակաֆրանսիական պայքարի բարեհաջող փուլում (1834) [[Ֆրանսիա]]ն ստիպված ճանաչեց նրա իշխանությունը Ալժիրի ներքին մարզերում, ուր կազմվեց ամիրայություն։ Աբդ էլ-Կադիրը ստեղծեց կանոնավոր բանակ, կազմակերպեց ռազմական ուսուցում, կառուցեց [[ամրոց]]ներ։ [[1843]]-ին, երբ ֆրանսիական զորքերը գրավեցին ամիրայությունը, նա փախավ [[Մարոկկո]]։ [[1845]]-ին վերադառնալով Ալժիր՝ ղեկավարեց հակաֆրանսիական նոր ապստամբությունը, որի պարտությունից հետո գերվեց։ [[1852]]-ից բնակվել է [[Դամասկոս]]ում։ [[1860]]-ի հուլիսին, երբ Դամասկոսում [[դրուզներ]]ը փորձեցին կոտորել [[քրիստոնյա]]ներին, Աբդ էլ-Կադիրը, օգտագործելով իր հեղինակությունն ամբոխի շրջանում և անձնական ալժիրական պահակագունդը, փրկեց մի քանի հազար քրիստոնյաների կյանքը։