[[File:Noradrenaline chemical structure.png|thumb|Նորադրենալինի քիմիական կառուցվածքը]]
'''Նորադրենալին''' (նորէպինեֆրին, L-1--2-ամինոէթանոլ), [[մակերիկամ]]ների կեղևի [[հորմոն]] և նեյրոմեդիատոր:նեյրոմեդիատոր։ Բիոգեն ամինների` կատեխոլամինների խմբին է պատկանում:պատկանում։ Քիմիական բաղադրությամբ նորադրենալինը [[ադրենալին]]ից տարբերվում է կողմնային շղթայում [[մեթիլ]]ային [[ռադիկալ]]ի բացակայությամբ:բացակայությամբ։ (Այստեղից էլ նրա գերմաներից վերցված Nitrogen one radical - NOR կրճատ անվանումը։)
Նորադրենալինը հանդիսանում է սրտի, լյարդի, փայծախի անոթների հետհանգուցային սիմպաթիկ վերջույթների միջնորդանյութ։ Դրա պարունակությունը սիմպաթիկ նյարդավորման շրջաններում կատեխոլամինների ընդհանուր քանակի մոտ 10 %-ն է կազմում։ Նրանով հատկապես հարուստ են խրոմաֆինային հյուսվածք պարունակող օրգանները։ Մակերիկամների ուղեղային շերտում, որի բջիջները համանման են հետհանգուցային սիմպաթիկ նեյրոնին, նորադրենալինի պարունակությունը կազմում է մոտ 20%, մնացածը բաժին է ընկնում ադրենալինին։ Այս երկուսի հետ մեկտեղ հյուսվածքներում գոյություն ունի նաև երրորդ բնական կատեխոլամինը՝ դոֆամինը։ Կապված կենդանու տեսակի ու հասակի հետ, ադրենալինի, նորադրենալինի ու դոֆամինի հարաբերությունը տատանվում է։
Նորադրենալինը [[ադրենալին]]ի նախատիպն է, իսկ նորադրենալինինը` [[դոֆամինը]], որը սինթեզվում է [[թիրոզին]]ից, որն էլ իր հերթին [[ֆենիլանալինի]] ածանցյալն է:է։ Թիրոզին ամինաթթվից նորադրենալինի սինթեզումն ընթանում է երեք ֆերմենտների` ''թիրոզինհիդրոքսիլազի'', ''ԴՕՖԱ– դեկարբոքսիլազի'' և ''դոֆամինբետահիդրոքսիլազի'' օգնությամբ։ Այն ընթանում է հետհանգուցային նեյրոնի բոլոր հատվածներում, այսինքն դրա մարմնում, աքսոնում, լայնացումներում և ծայրաճյուղերի սինապսային վերջույթներում։ Սակայն նեյրոնի մարմնից աքսոպլազմայի հոսքով մուտք է զործում նորադրենալինի մոտավորապես 1 տոկոսը, իսկ միջնորդանյութի հիմնական բաժինը սինթեզվում Է աքսոնի ծայրամասային հատվածում և պահեստավորվում սինապսային բշտիկների հատիկներում։ Հատիկներում նորադրենալինը գտնվում Է երկու պուլով` ''կայուն կամ պահեստավորված'' (85-90 տոկոս) և ''անկայուն'', այսինքն սինապսային ճեղքում դրդման հաղորդման համար պատրաստ վիճակում։ Անկայուն ֆոնդի նորադրենալինն անհրաժեշտության դեպքում դանդաղորեն լրացվում Է կայուն պուլից։ Նորադրենալինի պահեստի լրացումը, բացի սինթեզից, տեղի Է ունենում նաև սինապսային ճեղքից նախասինապսային թաղանթի կողմից միջնորդանյութի բռնազավթումով (սինապսային ճեղքում արտազատված քանակի մինչ 50 տոկոսի չափով), որից հետո բռնազավթված միջնորդանյութի մի մասը մտնում Է բշտերի մեջ, իսկ մնացածը քայքայվում Է մոնամինոօքսիդազի (ՄԱՕ) ֆերմենտով։
