«Միհրան Բաղդասարյան»–ի խմբագրումների տարբերություն

'''Միհրան Բաղդասարյան''' ([[1852]] - [[1937]]), հայ կրթական, մշակութային գործիչ։

Ծնվել է [[Կ. Պոլիս|Կ. Պոլսում]], որտեղ ստացել է նախնական կրթությունը, իսկ [[Շվեյցարիա]]յում՝ բարձրագույնը։ 1887-ին վերադարձել է Պոլիս և նույն թվականին էլ հրատարակել «Առաջնորդ անգլերեն լեզվի» ձեռնարկը։ Ապա պաշտոնավարել է [[Կարին]]ում, որտեղ բաց է արել Մասյաց վարժարանը։ Թուրքական կառավարության հալածանքների հետևանքով հարկադրված է եղել տեղափոխվել [[Թիֆլիս]]։ Հետագայում նորից մեկնել է Պոլիս, ապա՝ [[Բրուսա]], [[Դամասկոս]], իսկ 1891-ին [[ԱՄՆ]]։ Ամերիկյան թերթերի մեջ հոդվածներ է տպագրել հայկական դատի մասին։ Գրել է «Հայաստան կամ Արարատի երկիրը, նրա անցյալը, ներկան և ապագան» [[անգլերեն]] աշխատությունը, որը լույս է տեսել 1892-ին և հետագայում վերահրատարակվել է։ 1894-ին եկել է [[Էջմիածին]], այնտեղից մեկնել [[Ուրմի]], որտեղ պաշտոնավարել է հայոց դպրոցում։ Աշխատակցել է «Մուրճ» ամսագրին։<ref>{{cite book|author=Գառնիկ Ստեփանյան|title=Կենսագրական բառարան, հատոր Ա|publisher=«Սովետական գրող»|location=Երևան|year=1973|page=էջ 179}}</ref>